Taekvandoçularımız lisenziya uğrunda mübarizə aparacaq

Taekvondoçularımız “Rio-2016” Yay Olimpiya Oyunlarına lisenziya xarakterli təsnifat turnirinə qatılacaq. 13 yanvar tarixində Türkiyənin İstanbul şəhərinə yollanacaq komandamız turnirdə 3 idmançı ilə təmsil olunacaq. Bu turnir yığma komandamıza 2016-cı ildə Braziliyanın Rio-de-Janeyro şəhərində keçiriləcək Olimpiya Oyunlarına növbəti 3 lisenziyanı qazanmaq şansı verir. Yarışda baş məşqçi Reza Mehmandoust və böyük məşqçi Elnur Amanovun rəhbərlik etdi kişilərdən ibarət yığma komandanın üzvü Milad Beigi Hərçəqanı -80 kq çəki dərəcəsində ölkəmizi təmsil edəcək. Qadın taekvondoçuların baş məşqçisi Sun Mi Park və böyük məşqçi Hyeyoung Choi-nin yetirmələrindən isə -49 kq cəki dərəcəsində Patimat Abakarova və Fəridə Əzizova (-67 kq) Yay Olimpiya Oyunlarına qatılmaq üçün mübarizə aparacaq.Qeyd edək ki,16-17 yanvar tarixlərində keçiriləcək Avropa təsnifat turnirin finalında qarşılaşan idmançılar "Rio-2016" vəsiqəni təmin etmiş olacaq. Xatıradaq ki,yığma komandanın digər üzvü Dünya və Avropa çempionu,I Avropa Oyunların qalibi Radik İsaev +87 kq çəki dərəcəsində dünya reytiq siyahısında tutduğu yer sahəsində artıq lisenziya əldə edib. Qeyd edək ki, olimpiadada taekvondo yarışında 64-ü qadın və 64-ü isə kişi idmançı olmaqla ümumilikdə 128 taekvondoçu iştirak edəcək. Oyunların reqlamentinə görə, hər ölkəyə dörd çəki dərəcəsində lisenziya qazanmaq imkanı verilir ki, onlardan 2-si qadın, 2-si kişi idmançı olacaq.

Xəbər 755 dəfə oxundu.