Boks üzrə Bakı birinciliyinə yekun vurulub

Bakı Şəhər Gənclər və İdman Baş İdarəsinin (BŞGİBİ) təşkilatçılığı ilə keçirilən boks üzrə paytaxt birinciliyinin qalibləri müəyyənləşib. Azərbaycan Boks Federasiyasının Boks Mərkəzində keçirilən birincilikdə 22 klubdan 190 idmançı mübarizə aparıb. Gərgin idman mübarizəsi şəraitində keçən yarışda Kənan Xandəmirov (44 kq), Fərid Səfərli (46 kq), Nəbi İskəndərov (48 kq), Amid Əlizadə (50 kq), Amil İsayev (52 kq), Elmir Novruzov (54 kq), Məhəmmədəli İsmayılov (57 kq), Xəqani Zeynalov (60 kq), Əli Hacıməmmədzadə (63 kq), Ruslan Məmmədov (66 kq), Rəcəb Niftəliyev (70 kq), Zaur Musayev (75 kq), Elmir Zeynalov (80 kq) və Vüqar Səmədov (80 kq-dan yuxarı) fəxri kürsünün ən yüksək pilləsinə qalxıblar. Yarışda ilk üç yeri tutmuş idmançılar BŞGİBİ tərəfindən müvafiq dərəcəli diplomlar və xatirə hədiyyələri ilə mükafatlandırılıblar.

Xəbər 763 dəfə oxundu.