| Abbas Ağalarovun xatirəsinə həsr olunan ənənəvi turnir keçirilir | |
|
Azərbaycan boks məktəbinin banisi, Əməkdar İdman Ustası, SSRİ-nin Əməkdar Məşqçisi Abbas Ağalarovun xatirəsinə həsr olunan ənənəvi turnir keçirilir. Azərbaycan Boks Mərkəzində təşkil olunan yarışda ölkəmizin gənc idmançıları ilə yanaşı, Rusiya, İran, Gürcüstan, Qazaxıstan, Türkmənistan, Özbəkistan və İsraildən 74 dəri əlcək sahibi qalib adı uğrunda mübarizə aparır. Azərbaycanı turnirdə Elvin Səfərov, Qəzənfər Hacıyev, Seymur İsayev, Elvin Xəlilov, Aqil Qəmbərli, İmaməli Məmmədov, Niyaməddin Allahverdiyev, Ədalət Eminov və başqaları təmsil edirlər. Ümumilikdə, Azərbaycan yarışa hər birində 10 idmançı olmaqla 3 komanda ilə qatılıb. Beynəlxalq turnirdə hakim kimi ölkəmizi Əliağa Ramazanov, Emil Qurbanəliyev, Ceyhun Əbiyev, Anar Babanlı və Elxan Quliyev təmsil edirlər. Yarışa dekabrın 20-də yekun vurulacaq |
|
|
Xəbər 752 dəfə oxundu. |
|
|
|