Azərbaycanın yüngül atletləri beynəlxalq turnirdə iştirak edəcəklər

Dekabrın 20-də Volqoqradda 2001-2002-ci illər təvəllüdlü oğlan və qızlar arasında yüngül atletika üzrə Olimpiya çempionu Tatyana Lebedevanın mükafatları uğrunda XII ənənəvi Ümumrusiya yarışları start götürəcək. Yüngül atletika turniri Rusiyanın bütün regionlarından, habelə Azərbaycandan 500-dən çox gənc idmançını bir araya gətirəcək. İdmançılar qaçış üzrə beş yarışda – 60 metr, 400 metr, 1000 metr, maneələrlə 60 metr məsafəyə və 4x200 metr qarışıq estafet yarışlarında mübarizə aparacaqlar. Bundan əlavə, hündürlüyə tullanma əlbəttə, Olimpiya Oyunları çempionu medalçısı Tatyana Lebedevanın uzun illər tayı-bərabəri olmadığı üç təkanla tullanma və uzunluğa tullanma yarışları keçiriləcək.

Xəbər 896 dəfə oxundu.