Açıq Rusiya Kubokunda 2 bürünc medal şansı / YENİLƏNİR
Çuvaş Respublikasının paytaxtı Çeboksari şəhərində Çuvaş Respublikasının başçısının mükafatı uğrunda qadın güləşi üzrə açıq Rusiya Kuboku yarışları keçirilir.

Turnirdə Rusiya ilə yanaşı, Azərbaycan, Belarus, Qazaxıstan, Monqolustan, İsveç və ABŞ-dan olan idmançıların iştirak edir. Yığma komandamızın yarışa yollanan 3 üzvündən ikisi açıq Rusiya Kuboku yarışlarında bürünc medal uğrunda görüşə çıxacaq.

53 kq çəkidə mübarizə aparan Leyla Qurbanova 1/8 finalda Stalvira Orşuşu, 1/4 finalda Yekaterina Krasnovanı üstələyib. Yarımfinalda Monqolustan təmsilçisi Otqontsetseq Davaasuxa 2:3 hesabı ilə məğlub olub. Bürünc medal uğrunda görüşdə güləşçimizin rəqibi Qazaxstan təmsilçisi Juldız Eşimova olacaq.

60 kq-da təmsilçimiz Tatyana Omelçenko mübarizəyə 1/8 finaldan başlayıb. İlk görüşdə Yelizaveta Sorokina üzərində tam üstünlüklü qələbə qazanan güləşçimiz növbəti görüşdə Lyubov Ovçarovaya məğlub olub. Rəqibin finala çıxması ilə Tatyana Omelçenko bürünc medal şansı əldə edib. Həlledici görüşdə onun rəqibi Yekaterina Vyunova olacaq.

Açıq Rusiya Kubokunda medal görüşləri bu gün baş tutacaq.

Xəbər 663 dəfə oxundu.