Danimarka millisinin baş məşqçisi yığmadakı 15 illik fəaliyyətinə son verib

2000-ci ildən futbol üzrə Danimarka millisinə baş məşqçilik edən Morten Olsen istefa verib. Cavab matçında 2:2 hesabı ilə heç-heçə edən və ilk oyunda səfərdə İsveç yığmasına 2:1 hesabı ilə məğlub olan Danimarka millisi “Avro-2016”nın final mərhələsindən kənarda qalıb. Ümumiyyətlə, M.Olsenin rəhbərliyi altında Danimarka millisi 2002 və 2010-cu illərdə dünya, 2004 və 2012-ci illərdə isə Avropa çempionatına qatılıb. Yığmanın ən uğurlu çıxışı “Avro-2014”də dörddəbir finala çıxması olub. “Qərar verdim və futbol federasiyası ilə vəzifəmdən getməyim haqqında danışıq apardım. Futbolçularımı da məlumatlandırdım və onlara dedim ki, hazırda bu postda çalışmağımın heç bir mənası yoxdur”, - deyə 66 yaşlı danimarkalı çalışdırıcı bildirib.

Xəbər 686 dəfə oxundu.