Qurban Qurbanov və Roman Qriqorçuk dünyanın ən yaxşı futbol məşqçiləri arasında

Futbol üzrə dünyanın ən yaxşı baş məşqçilərinin oktyabr ayı üçün reytinq cədvəli açıqlanıb. Siyahıda “Qarabağ”ın baş məşqçisi Qurban Qurbanov ilə yanaşı, “Qəbələ”nin çalışdırıcısı Roman Qriqorçuk da yer alıb. “Qarabağ”ın tarixində ikinci dəfə qrup mərhələsinə vəsiqə qazanmasında mühüm rol oynayan Q.Qurbanov 1379 xalla 451-ci pillədə qərarlaşıb. O, bu göstəriciyə görə Henrik Larsson, Dik Advokat, Şota Arveladze, Ərtuğrul Sağlam, Tolunay Kafkaz, Covanni van Bronkxorts kimi tanınmış simaları qabaqlayır. Roman Qriqorçuk isə siyahıda 1126 xalla 534-cü pillədə qərarlaşıb. Dünyanın ən yaxşı futbol məşqçiləri siyahısına ispaniyalı mütəxəssislər başçılıq edir. “Barselona”nın çalışdırıcısı Luis Enrike 18821 xalla birinci yerdədir.

Xəbər 814 dəfə oxundu.