“Telekom”un ilk sınağı – YENİLƏNİR | |
Bu gün qadın voleybolçular arasında Çempionlar Liqasında növbəti oyunlar keçiriləcək. I turda fərqli nəticələrə imza atan “Azərreyl” və “Lokomotiv”in ardından digər Azərbaycan təmsilçisi “Telekom” da mübarizəyə başlayacaq. Tarixində ilk dəfə avrokuboklarda çıxış edən komanda debütünü evdə gerçəkləşdirəcək. A qrupunda mübarizə aparan Bakı klubu Polşa təmsilçisi “İmpel”lə üz-üzə gələcək. Qonaqlar daha təcrübəli olsa da, Zoran Qayiçin yetirmələri evdə oynadığından üstünlüyə malikdi. Perspektivli gənclərlə təcrübəli ulduzların sintezini yaradan “Telekom”un doğma azarkeşləri önündə keçirəcəyi ilk sınaqdan 3 xalla ayrılmaq əzmindədi. Çünki iddiaları ilə seçilən paytaxt klubu cari mövsümdə həm daxili arenada, həm də avrokuboklarda uğur qazanmağa çalışacaq. Qeyd edək ki, “Telekom” – “İmpel” oyunu saat 17:00-da başlayacaq. Çempionlar Liqası Qrup mərhələsi I tur 29 oktyabr E qrupu 17:00. “Telekom” (Azərbaycan) – “İmpel” (Polşa) Hakimlər: Viktor Kozlovski (Ukrayna), Roy Qoren (İsrail) Bakı, “Sərhədçi” İdman Olimpiya Mərkəzi |
|
Xəbər 764 dəfə oxundu. |
|
|