“Bakı-2015” ilk Avropa Oyunlarında medal qazanan belaruslu idmançılar mükafatlandırılıb | |
Belarus Milli Olimpiya Komitəsində (BMOK) bu ilin iyununda Bakıda təşkil olunan birinci Avropa Oyunlarında medal qazanan ölkə idmançıları ilə görüş keçirilib. Görüşdə “Bakı-2015” ilk Avropa Oyunlarında mükafatçılar sırasında yer alan idmançılar təltif ediliblər. Oyunlarda qızıl medal qazanan atletlərə 6 min, ikinci yeri tutanlara 3 min, yarışı üçüncü pillədə başa vuran idmançılara isə 2 min dollar məbləğində pul mükafatları verilib. Pul mükafatı Belarus Prezidentinin sərəncamı ilə “Bakı-2015”də yüksək nəticələr göstərmiş idmançı və onların məşqçiləri üçün nəzərdə tutulub. İlk Avropa Oyunlarında 149 idmançı ilə təmsil olunan Belarus 43 medal – 10 qızıl, 11 gümüş və 22 bürünc qazanıb. Belarus yığmasının tərkibində ən çox mükafatı samboçular qazanıblar – 7 medal. AZƏRTAC |
|
Xəbər 2165 dəfə oxundu. |
|
|