AVRO-2016-nın seçmə qrup mərhələsində bu gün daha 9 oyun keçiriləcək | |
Bu gün futbol üzrə AVRO-2016-nın seçmə qrup mərhələsində IX turun növbəti oyunları keçiriləcək. İkinci oyun günündə 3 qrupda 9 qarşılaşma baş tutacaq. C qrupunda İspaniya millisini Lüksemburqla, Slovakiyanı isə Belarusla ev oyunlarında heç-heçə də qane edəcək. Ukrayna isə birbaşa vəsiqə verən ilk 2 yerdən birini iddialarını davam etdirmək üçün əsas rəqiblərinin məğlubiyyətinə ümid etməli və səfərdə Makedoniyaya qalib gəlməlidir. E qrupunda İngiltərə final mərhələsinə birbaşa vəsiqəni təmin edib. Britaniyalıların Estoniya ilə ev oyununda xal daha çox qonaqlara lazımdır. Sloveniya - Litva və İsveçrə - San Marino qarşılaşmaları daha bir vəsiqənin sahibini müəyyənləşdirmək baxımından önəmlidir. G qrupunda qrup ideri kimi Fransaya bileti artıq əldə etmiş Avstriyanı ikinci pilləyə can atan Monteneqro ilə qarşılaşma gözləyir. Birbaşa vəsiqəyə daha yaxın olan Rusiya və İsveç isə səfərdə müvafiq olaraq, Moldova və Lixtenşteynlə üz-üzə gələcək. C qrupu 23:45. İspaniya - Luksemburq Baş hakim: Sebastyan Delferyer (Belçika) Loqrono. "Las Qaunas" stadionu 23:45. Slovakiya - Belarus Baş hakim: Hüseyn Göçek (Türkiyə) Jilina. "Jilina" stadionu 23:45. Makedoniya - Ukrayna Baş hakim: Ovidiu Alin Xetseqan (Rumıniya) Skopye. "Makedoniyalı II Filipp" stadionu Xal durumu: İspaniya - 21, Slovakiya - 19, Ukrayna - 16, Belarus - 7, Luksemburq - 4, Makedoniya - 3. E qrupu 23:45. İsveçrə - San Marino Baş hakim: Mattias Qestranius (Finlandiya) Sankt-Qallen. "AFG Arena" 23:45. Sloveniya - Litva Baş hakim: Byorn Keypers (Hollandiya) Lyublyana. "Stojitse" stadionu 23:45. İngiltərə - Estoniya Baş hakim: İştvan Vod (Macarıstan) London. "Uembli" stadionu Xal durumu: İngiltərə - 24, İsveçrə - 15, Sloveniya - 12, Estoniya - 10, Litva - 9, San Marino - 1. G qrupu 23:45. Lixtenşteyn - İsveç Baş hakim: Liran Liani (İsrail) Vaduts. "Raynpark" 23:45. Monteneqro - Avstriya Baş hakim: Danielo Orsato (İtaliya) Podqoritsa. "Qradski" stadionu 23:45. Moldova - Rusiya Baş hakim: Mixail Kukulakis (Yunanıstan) Kişinyov. "Zimbru" stadionu Xal durumu: Avstriya - 22, Rusiya - 14, İsveç - 12, Monteneqro - 11, Lixtenşteyn - 5, Moldova - 2. Qeyd edək ki, Avstriya ilə İngiltərədən əlavə, təşkilatçı Fransa, eləcə də İslandiya, Çexiya, Şimali İrlandiya və Portuqaliya da AVRO-2016-nın final mərhələsində iştirak hüququna yiyələnib. |
|
Xəbər 720 dəfə oxundu. |
|
|