| Azərbaycanın və Misirin Şahmat federasiyaları arasında əməkdaşlıq müqaviləsi imzalanıb | |
|
Oktyabrın 5-də Azərbaycanın və Misirin Şahmat federasiyası arasında əməkdaşlıq müqaviləsi imzalanıb. Müqaviləni Azərbaycan Şahmat Federasiyasının prezidenti Elman Rüstəmov və Misir Şahmat Federasiyasının prezidenti Haşem Elgendani imzalayıblar. Müqaviləyə əsasən, şahmatın inkişafı istiqamətində birgə layihələr həyata keçiriləcək, qarşılıqlı təlim-məşq toplanışları və hakimlər arasında təcrübə mübadiləsi aparılacaq. İmzalanma mərasimindən sonra sualları cavablandıran Elman Rüstəmov sənədin əhəmiyyətini vurğulayaraq deyib ki, biz bu müqavilədən əvvəl də Misir ilə əməkdaşlıq edirdik. Lakin indi bunu rəsmiləşdirdik. Müqaviləyə əsasən, şahmatçılar Azərbaycanda və ya Misirdə təlim-məşq toplanışlarında iştirak edəcəklər. Bununla yanaşı, hakimlərimiz arasında təcrübə mübadiləsi aparılacaq. |
|
|
Xəbər 636 dəfə oxundu. |
|
|
|