"Neftçi"nin dubl edən futbolçusu: "Xəzər Lənkəran"la matçda da qol vurmaq istəyirəm"

Premyer Liqanın 4-cü turunda "Neftçi" səfərdə "Rəvan"ı 3:1 hesabı ilə məğlub etdi. Bu matçda dublla yadda qalın "Neftçi"nin gənc futbolçusu Fəhmin Muradbəyli qarşılaşma haqda fikirlərini "CBC Sport"-a açıqlamasında bildirib: "Sevindirici haldır ki, bir oyunda iki qol vurdum. Məşqçilər heyətinə təşəkkürümü bildirirəm ki, şans verdilər. Dünən yatmamışdan əvvəl də bunu düşünürdüm ki, bu oyunda özümü doğrultmalıydım. Şükürlər olsun ki, bu gün yaxşı oynadım. 10 nəfər qalanda sonra "Rəvan" pressinq edirdi. 3-cü qolu vurandan sonra əminliyimiz artdı. Hamı oyunda can yandırdı. Bu gün qələbəyə layiq idik. Uşaq vaxtı hücumçu oynamışam, Samir müəllim də demişdi ki, istəyəndə Arazla yerinizi dəyişə bilərsiz. Növbəti turda "Xəzər Lənkəran"la oyunda da start heyətdə meydana çıxmaq və qol vurmaq istəyirəm. Azərbaycanın "Böyük oyun"udur".

Xəbər 664 dəfə oxundu.