| Polo üzrə Azərbaycan millisi Avropa çempionatının finalında Almaniya yığması ilə qarşılaşacaq | |
|
Binə Atçılıq Mərkəzində arena polo üzrə birinci Avropa çempionatı davam edir. Sentyabrın 11-da ot örtüklü açıq meydanda keçirilən çempionatın beşinci turunda Azərbaycan komandası yenə də uğurla çıxış edib. Turun ilk görüşündə əvvəlcə meydana Almaniya və İsveçrə milliləri çıxıblar. Sevinən tərəf Almaniya poloçuları olub-7:4. Bu mərhələnin ikinci görüşündə Elçin Camallı, Tərlan Qurbanəliyev və Silvester Qarrosdan ibarət Azərbaycan millisi İspaniya yığması ilə qarşılaşıb. Gərgin idman mübarizəsi şəraitində keçən görüş Azərbaycan polo ustalarının 9:3 hesablı qələbəsi ilə yekunlaşıb. Beşinci tura İtaliya-İrlandiya oyunu ilə yekun vurulacaq. Avropa çempionatının finalında Azərbaycan seçməsi Almaniya yığması ilə qarşılaşacaq. Çempionatda 5 qələbə qazanan və məğlubiyyətlə üzləşməyən Azərbaycan komandası 10 xalla turnir cədvəlinə liderlik edir. Avropa çempionatında bombardirlər siyahısına Azərbaycan seçməsinin üzvü Silvester Qarros başçılıq edir. Yarışda qalib komanda sentyabrın 12-də müəyyənləşəcək. Görüş saat 20:30-da başlayacaq. |
|
|
Xəbər 1133 dəfə oxundu. |
|
|
|