"Atromitos"la oyun öncəsi "Fənərbaxça"ya şad xəbər

UEFA Çempionlar Liqasının III təsnifat mərhələsində "Şaxtyor"la keçirilən oyunda hakim tərəfindən tribunaya göndərilən "Fənərbaxça"nın baş məşqçisi Vitor Pereyranın cəzasını yüngülləşdirib. UEFA Nizam-İntizam Komitəsi portuqaliyalı mütəxəssisin cəzasını 2 oyundan 1 matça endirib. Avropa Liqasının pley-off mərhələsində "Atromitos"la keçirilən ilk oyunu tribunadan izləyən Pereyra bu axşam "Şükrü Saracoğlu" stadionunda baş tutacaq cavab matçında komandasının yanında olacaq. Qeyd edək ki, "Şaxtyor"la matçın gedişində rəqibin iki futbolçusu - Dario Srna və Fredlə Pereyra arasında gərginlik yaşandığı üçün görüşün baş hakimi "Fənərbaxça"nın baş məşqçisini tribunaya göndərib.

Xəbər 727 dəfə oxundu.