UEFA "Fənərbaxça"nın baş məşqçisini cəzalandırdı

Çempionlar Liqasının III təsnifat mərhələsində "Şaxtyor"la keçirilən oyunda hakim tərəfindən tribunaya göndərilən "Fənərbaxça"nın baş məşqçisi Vitor Pereyranın cəzası bəlli olub. UEFA Nizam-İntizam Komitəsi portuqaliyalı mütəxəssisi iki oyunluq cəzalandırıb. Bu səbəbdən Pereyra Avropa Liqasının pley-off mərhələsində "Atromitos"la (Yunanıstan) keçiriləcək oyunları tribunadan izləməli olacaq. Qaydalara əsasən Pereyra oyunboyu komandası ilə heç bir əlaqə yarada bilməyəcək. Qeyd edək ki, matçın gedişində "Şaxtyor"un iki futbolçusu - Dario Srna və Fredlə Pereyra arasında gərginlik yaşandığı üçün görüşün baş hakimi "Fənərbaxça"nın baş məşqçisini tribunaya göndərib.

Xəbər 660 dəfə oxundu.