Mira Qoluboviç ən sərrast voleybolçu oldu

Qadın voleybolçular arasında Avropa Çempionlar Liqasının qrup mərhələsinin VI turunda “Myulhaus” (Fransa) – “Rabitə” (Azərbaycan) matçının ən yaxşı voleybolçusu məlum olub. İdman.com.az saytının məlumatına görə, Bakı təmsilçisinin 3:0 hesabı ilə qalib gəldiyi oyunun bombardiri adını Mira Qoluboviç qazanıb. O, ötən il heyətində Azərbaycan çempionu olduğu komandanın aktivinə 14 xal yazıb. Zoran Qayiçin digər yetirmələri – Natalya Məmmədova və Sanya Staroviç hərəyə 10, Nataşa Krsmanoviç 9, Dobriana Rabadjiyeva 6 və İrina Jukova 5 dəqiq zərbə vurublar. “Myulhaus”da isə Anna Ribaczevski daha məhsuldar olub. O, komandasının aktivinə 8 xal yazdırıb. Qeyd edək ki, “Rabitə” bu gün qrup mərhələsini 2-ci yerdə başa vuraraq, 1/8 finala yüksəlib.

Xəbər 1241 dəfə oxundu.