5-ci Rumi Uşaq oyunlarının ilk günündən bürünc medal

Yeniyetmələrdən ibarət seçmə komandamızın üzvü Mədinə Sadıqova (-47 kq) Konyada 5-ci Rumi Uşaq oyunlarının bürünc mükafatına sahib olub. Yarışın ilk günü tatmiyə çıxan qızlardan İnci Əzizova (-47 kq), Emiliya Mitilimova (-54 kq) və Bəsti İsmayılova (+54 kq) isə çıxışlarını uğursuz başa vurublar. Yeniyetmələrin böyük məşqçisi, əməkdar məşqçi Anar Allahverdiyevin rəhbərliyi ilə yarışa yollanan idmançılardan oğlanlar - Hümmət Balakişiyev (-52 kq), Anar Novruzov (-57 kq), Əbülfəz Rəhimov (-63 kq), Əli Quliyev (-70 kq) və Nİyazi Məmmədov (+70 kq) 22 apreldə mübarizəyə qatılacaqlar. Ceyhun İsmayılov isə kata yarışlarında çıxış edəcək. Oğlanlardan 10 idman növü üzrə keçirilən 5-ci Rumi Uşaq oyunlarına yollanan nümayəndə heyətinə Azərbaycan Milli Karate Federasiyasının baş katibi Mir-Cabbar Seyidov rəhbərlik edir. 19 apredlə Türkiyəyə yola düşən heyət ayın 24-də Bakıya dönəcək.

Xəbər 862 dəfə oxundu.