Əfqan Bayramov Avropa qızılını qazandı

Aprelin 9-18-də Gürcüstanın paytaxtı Tiflis şəhərində keçiriləcək ağır atletika üzrə kişilər və qadınlar arasında Avropa çempionatı davam edir. Bu yarışda 38 ölkədən 268 ağır atletin (112 qadın və 156 kişi) iştirak edir. Bu gün Azərbaycan yığmasından Əfqan Bayramov mübarizəyə qoşulub. O, 77 kq çəki dərəcəsinin B qrupunda yarışıb. Buna baxmayaraq, o, A qrupunda çıxış edən bir çox ağır atletdən daha yaxşı çıxış edib. Toplam 333 kq (141+192) nəticə göstərən Əfqan yekun sıralamada 7-ci yeri tutub. Ancaq bizim üçün sevindirici bir məqam da var. Belə ki, Bayramovun təkanla qaldırmada ram etdiyi 192 kq-ı heç üstələyə bilməyib və o, bu hərəkətdə Avropa çempionatının “kiçik” qızıl medalına layiq görülüb. Xatırladaq ki, Əfqan 2012-ci Avropa çempionatında təkanla qaldırmada yaxşı çıxış edərək, həm təkanla qaldırmada, həm də toplamda çempionluğu bayram etmişdi.

Xəbər 925 dəfə oxundu.