Azərbaycan boksçuları Avropa Oyunlarına İtaliyada hazırlaşacaqlar | |
Avropa Oyunlarına hazırlaşan boks üzrə milli komandamız İtaliyaya təlim-məşq toplanışına yollanıb. Yığmamız 8 gün İtaliyanın Assizi şəhərində yerli boksçularla birgə hazırlıq keçəcək. Millimizin məşqçisi Nəriman Abdullayevin rəhbərliyi altında toplanışda 2 qat dünya, Avropa çempionu, Olimpiya oyunlarının bürünc mükafatçısı Məhəmmədrəsul Məcidov (+91 kq) , dünya çempionu Cavid Çələbiyev (56 kq), Avropa çempionu Salman Əlizadə (49 kq) kimi tanınmış boksçularımız iştirak edir. Bu yaxınlarda Bolqarıstanda keçirilmiş “Strandja” turnirində fəxri kürsünün ən yüksək pilləsinə qalxan Elvin isayev (60 kq) və Lorenzo Sotomayor da (64 kq) toplanışa cəlb olunub. Xatırladaq ki, komandamız buna qədər Bakıda Fransa boksçuları ilə birgə hazırlıq keçib. Apreldə isə yığmamız Avropa Oyunlarına test xarakteri daşıyan “Ipək Yolu” turnirində mübarizə aparacaq. Milli komandamızın heyəti 49 kq: Salman Əlizadə 52 kq: Elvin Məmişzadə, Məsud Yusifzadə 56 kq: Cavid Çələbiyev, Tayfur Əliyev 60 kq: Elvin İsayev 64 kq: Lorenzo Sotomayor 69 kq: Tamerlan Abdullayev 75 kq: Xaybulla Musalov, Kamran Şahsuvarlı 81 kq: Rauf Rəhimov +91 kq: Məhəmmədrəsul Məcidov |
|
Xəbər 936 dəfə oxundu. |
|
|