Teymur Füzuli oğlu Məmmədov 1993-cü ildə Rusiyanın Tomsk şəhərində anadan olub.Teymur Məmmədov (91 kq) rinqdə ilk qələbəsini, 2008-ci ildə gənclər arasında ulu öndər Heydər Əliyevin xatirəsinə həsr olunan "VI-cı Heydər Əliyev Kuboku" beynəlxalq turnirində qazandı.
O, 2009-cu ildə "VII-ci Heydər Əliyev Kuboku" beynəlxalq turnirində bütün rəqiblərinə qalib gəldi və qızıl medal qazandı.
2010-cu ildə Azərbaycan çempionatında qızıl medal qazandı və ölkənin ən güclü boksçusu oldu. Həmin il dünyanın bir çox ölkəsinin qatıldığı beynəlxalq "Böyük İpək Yolu" turnirində gümüş medal qazandı.
2012-ci ildə Londonda XXX Yay Olimpiya Oyunlarının bürünc medalını qazandı.
2015-ci ildə I Avropa Oyunlarında final rəqibini təmiz qələbə ilə məğlub edərək I Avropa Oyunlarının çempionu oldu.
2017-ci ildə Bakı şəhərində baş tutan IV İslam Həmrəyliyi Oyunlarının qızıl medalçısıdır.
İlham Əliyevin sərəncamına əsasən, XXX London Olimpiadasında qazandığı bürünc medala görə "Tərəqqi" medalı, I Avropa Oyunlarında qazandığı qızıl medala görə "Şöhrət" ordeni ilə təltif edildi.
Xəbər 3128 dəfə oxundu.