Dünya çempionatında 3-cü gün | |
İspaniyanın Ponferrada şəhərində şose velosipedi üzrə növbəti dünya çempionatı davam edir. Planetin ən güclülərinin mübarizə apardığı yarışda Azərbaycan müxtəlif yaş qrupları üzrə 6 velosipedçi ilə təmsil olunur. Mübarizəyə ilk olaraq U-23 yaş qrupunda çıxış edən velosipedçimiz Tural İsgəndərov qoşulub - dünən o fərdi ötüşmədə (time trial) bacarığını nümayiş etdirib və 55-ci yeri tutub. Bu gün 18 yaşadək velosipedçilər arasında Elgün Əlizadə və Kənan Qəhrəmanlı fərdi ötüşmədə (time trial) çıxış ediblər. Nəticələrə gəlincə, Elgün 64-cü, Kənan isə 66-cı olub. Elit yaş qrupunda sentyabrın 24-də Elçin Əsədov fərdi ötüşmədə (time trial) qüvvəsini sınayacaq. Sentyabrın 26-da Tural İsgəndərov, Samir Cəbrayılov və Ənvər Asanovdan ibarət U-23 yığmamız, sentyabrın 27-də isə Elgün Əlizadə və Kənan Qəhrəmanlıdan ibarət gənclər yığmamız qrup ötüşməsində çıxış edəcəklər. |
|
Xəbər 826 dəfə oxundu. |
|
|