"Neftçi"nin rəqibindən əzmkar qələbə

Avropa Liqasının “pey-off” mərhələsində “Neftçi”nin rəqibi olan “Partizan” Serbiya superliqasında ilk turun oyununu keçirib. Paytaxt klubu səfərdə “Vozdovac”ın qonağı olub. “Partizan” görüşün 73-cü dəqiqədə hesabda geri düşsə də, 78-ci dəqiqədə meydan sahibləri avtoqolla yadda qalıblar. Sona qədər mübarizə aparan “Partizan” 90+2-ci dəqiqədə Volkovun və 90+4-cü dəqiqədə Fofananın vurduğu qollarla 3:1 hesablı qələbə qazanıb. Xatırladaq ki, "Neftçi" ilə "Partizan" arasında ilk oyun avqustun 21-i Serbiyada, cavab oyunu isə bir həftə sonra Bakıda keçiriləcək.

Xəbər 796 dəfə oxundu.