“Sağlam həyat tərzini seç!” devizi altında gənclər arasında mini futbol üzrə rayon kuboku başa çatıb. Siyəzən rayon Gənclər və İdman idarəsinin təşkilatçılığı ilə iyulun 8-də start götürmüş yarışda 18 komanda 4 yarımqrupda mübarizə aparıb.
Ümumilikdə 200-ə yaxın gənci əhatə edən Rayon kubokunda şəhər məhəllələri ilə yanaşı, kənd bələdiyyələrinin komandaları da iştirak edib.
30 iyul 2014-cü il tarixdə keçirilən final görüşündə “Sədan 1” və “53-53” komandaları üz-üzə gəlib. Gərgin mübarizə şəraitində keçən oyunda “53-53” komandası “Sədan” komandası üzərində 2:0 hesabı ilə qələbə çalaraq rayon kubokunun sahibi olub.
Mükafatlandırma mərasimində birinci və ikinci yerləri tutmuş komandalar rayon Gənclər və İdman idarəsinin fəxri-fərmanları ilə təltif edilib.
Xəbər 925 dəfə oxundu.