DÇ-2014: Millimizin oyun təqvimi məlum oldu

Azərbaycan yığmasının DÇ-2014-ün seçmə mərhələsində yer aldığı F qrupunda təqvim müəyyənləşib. www.idman.com.az saytı Apasport saytına istinadən xəbər verir ki, Lüksemburqda keçirilən müzakirələrdən sonra millimizin növbəti seçmə mərhələyə öz meydanında başlayacağı məlum olub. Həmin görüşdə komandamız sentyabrın 7-də İsrail yığması ilə qarşılaşacaq. Millimiz elə stardaca çətin sınaq qarşısında qalıb. Belə ki, İsraillə görüşdən 4 gün sonra Portuqaliya ilə səfər oyununa çıxacağıq. Yığmamız bundan sonra daha 3 matçı səfərdə keçirəcək. Bunlar Rusiya, Şimali İrlandiya və Lüksemburqla görüşlərdir. Oktyabrda cüt oyundan qaçsaq da, Şimali İrlandiya ilə oyun noyabrın 14-də, yəni FİFA-nın beynəlxalq yoldaşlıq görüşləri üçün nəzərdə tutulan günə salınıb. Millimiz seçmə mərhələyə oktyabrda ruslarla ev matçı ilə yekun vuracaq ki, bu, həmin rəqiblə ilk dəfə - DÇ-2010-da düşdüyümüz zamanı da belə olmuşdu. AFFA gələn il ölkəmizdə 17 yaşlı qızlardan ibarət dünya çempionatının final mərhələsinin oyunlarını keçirilməsi ilə əlaqədar millimizin 2012-də matçlarının çoxunu səfərdə olmağını istəyirdi. Təqvimə nəzərə salsaq, buna nail olmadığımızı görərik. Hər halda, gələn il cəmi 1 ev oyunumuz var və onda da dünya çempionatı hələ başlamayacaq. 2012-ci il 7 sentyabr Azərbaycan – İsrail Lüksemburq – Portuqaliya Rusiya – Şimali İrlandiya 11 sentyabr Portuqaliya – Azərbaycan Şimali İrlandiya – Lüksemburq İsrail – Rusiya 12 oktyabr Lüksemburq – İsrail Rusiya – Portuqaliya 16 oktyabr Rusiya – Azərbaycan Portuqaliya – Şimali İrlandiya İsrail – Lüksemburq 14 noyabr Şimali İrlandiya – Azərbaycan 2013-cü il 22 mart Lüksemburq – Azərbaycan Şimali İrlandiya – Rusiya İsrail – Portuqaliya 26 mart Şimali İrlandiya – İsrail Azərbaycan – Portuqaliya 7 iyun Azərbaycan – Lüksemburq Portuqaliya – Rusiya 6 sentyabr Rusiya – Lüksemburq Şimali İrlandiya – Portuqaliya İsrail – Azərbaycan 10 sentyabr Rusiya – İsrail Lüksemburq – Şimali İrlandiya 11 oktyabr Lüksemburq – Rusiya Azərbaycan – Şimali İrlandiya Portuqaliya – İsrail 15 oktyabr Azərbaycan – Rusiya İsrail – Şimali İrlandiya Portuqaliya – Lüksemburq

Xəbər 1119 dəfə oxundu.