Maraz İzmaylov Rusiya və İspaniya klublarının hədəfində

"Qəbələ" klubunun futbolçusu Marat İzmaylov yeni mövsümdən karyerasını Rusiya Premyer Liqasında davam etdirə bilər. Bu barədə rusiyalı futbolçunun meneceri Paulo Barboza İTAR-TASS agentliyinə açıqlamasında deyib. Barboza Rusiyanın bir neçə klubu ilə danışıqlar apardıqlarını bildirib: "Rusiyanın müxtəlif klubları ilə danışıqlar aparırıq. Onların sırasında Avrokuboklarda mübarizə aparacaq klublar da var. Ancaq unutmayın ki, Maratın "Portu" ilə bir illik müqaviləsi mövcuddur və Portuqaliya təmsilçisi də onu komandada saxlamaq istəyir. İzmaylov artıq daha çox oynamaq istəyir, ehtiyatda oturmaq niyyətində deyil. O, uzun fasilədən sonra "Qəbələ"də yaxşı mövsüm keçirdi. Sübut etdi ki, yüksək səviyyədə oynaya bilər. Təsadüfi deyil ki, onunla təkcə Rusiya deyil, İspaniya klubları da maraqlanır".

Xəbər 792 dəfə oxundu.