Çempionlar Liqasını qazana bilməyən ulduz futbolçular

UEFA Çempionlar Liqasının qalibi olmayan ulduz futbolçuların adları açıqlanıb. Siyahıda 9 futbolçu yer alıb. İsveç yığmasının ulduz futbolçusu Zlatan İbrahimoviç karyerası ərzində "Yuventus", "İnter", "Barselona" və "Milan" kimi klublarda çıxış edib. Adı çəkilən komandalarda vurduğu qollarla diqqət çəkən təcrübəli futbolçu Çempionlar Liqasını qazana bilməməsini karyerasının yeganə əksikliyi kimi görür. Braziliya millisinin heyətində dünya çempionluğu qazanan Ronaldo çıxış etdiyi "Barselona", "İnter" və "Real" (Madrid) klubları ilə Çempionlar Liqasının qalibi olmağı bacarmayıb. Ronaldo ilə yanaşı Rud Van Nistelroy, Fabio Kannavaro və Denis Berkamp kimi futbolçular da Çempionlar Liqasında çempionluq sevinci yaşamayıblar. 1. Zlatan İbrahimoviç (İsveç) 2. Ronaldo (Braziliya) 3. Dennis Berkamp (Hollandiya) 4. Qabriel Batistuta (Argentina) 5. Patrik Vieyra (Fransa) 6. Pavel Nedved (Çexiya) 7. Rud Van Nistelroy (Hollandiya) 8. Fabio Kannavaro (İtaliya) 9. Roberto Baggio (İtaliya)

Xəbər 870 dəfə oxundu.