| AFFA-nın növbəti hesabat konfransı başlayıb | |
|
Martın 7-də “Hilton Baku” mehmanxanasında AFFA-nın növbəti hesabat konfransı işə başlamışdır. Əvvəlcə futbol üzrə milli komandamızın çıxışından bəhs edən videoçarx nümayiş olunmuşdur. Tədbirdə çıxış edən AFFA-nın prezidenti Rövnəq Abdullayev ölkəmizdə idmana göstərilən dövlət qayğısından danışmış, ölkə futbolunda kütləviliyin təmin olunması istiqamətində həyata keçirilmiş layihələr barədə məlumat vermişdir. AFFA-nın prezidenti qeyd etmişdir ki, ötən il ölkə futbolu üçün uğurlu olmuşdur. Milli komandamız dünya çempionatının seçmə mərhələsini 9 xalla başa vurmuşdur. 2020-ci il Avropa çempionatının oyunlarına ev sahibliyi etmək üçün Bakı şəhərinin namizədliyi irəli sürülmüşdür. Hazırda bu istiqamətdə hazırlıq işləri görülür. AFFA-nın baş katibi Elxan Məmmədov ölkəmizdə uşaq futbolunun inkişaf etdirilməsi istiqamətində həyata keçirilmiş tədbirlər barədə məlumat vermiş, məktəblərdə futbol dərslərinin tədris olunmasını yüksək qiymətləndirmişdir. Sonra AFFA-nın ötən ilki fəaliyyəti ilə bağlı hesabat xarakterli film nümayiş olunmuşdur. Konfransda UEFA-nın birinci vitse-prezidenti Şenes Erzik iştirak edir. |
|
|
Xəbər 832 dəfə oxundu. |
|
|
|