Podolski: "Arsenal"dan ayrılmaq niyyətim yoxdur"

"Arsenal" klubunun hücumçusu Lukaş Podolski ötən il "Şalke"yə transfer oluna biləcəyi ilə bağlı yayılan xəbərlərə münasibət bildirib. Bu xəbəri təkzib edən polşa əsilli alman futbolçu "Arsenal"dan ayrılmaq niyyətində olmadığını deyib. "Bu yanlış xəbər idi. Heç zaman "Şalke"yə keçmək ehtimalım olmayıb. Arsen Venger də bunu məndən soruşdu. Ancaq mən artıq keçmiş haqda düşünmürəm. Hazırda "Arsenal"dayam və bu komandadan ayrılmaq niyyətim yoxdur". Qeyd edək ki, Podolski 2012-ci ildə "Köln" klubundan "Arsenal"a transfer olunub.

Xəbər 852 dəfə oxundu.