"Hücumda yaxşı təşkil oluna bilmədik. Asan atışları qaçırdıq. Səhvlərimiz inanılmaz oldu. Bukmanın komandada olmaması bizə çətinliklər yaratdı. İversonun isə asan atışları qaçırmasıkomandamızı iki pillə geri saldı. " İdman.com.az saytının məlumatına görə, bu sözləri "Beşiktaş İnteqral Foreks" basketbol klubunun baş məşqçisi Əhməd Kandemir deyib.
Avrokubokun 4-cü matçında Xorvatiyanın "Cedevita Zaqreb" komandası ilə üz-üzə gələn beşiktaşlılar rəqibinə 58:55 hesabı ilə məğlub olub. "Cedevita Zaqreb" in baş məşqçisi Jasmin Repesa isə qalib gəlmələrinin onlar üçün əhəmiyyətli olduğunu ifadə edib:
"Matçıda "Beşiktaş" ın uduzma səbəbi onların ikinci periodda 6 dəqiqə boyunca top ata bilməməsi oldu. Biz isə üçüncü periodda hücum edə bilmədik. Ancaq son hissədə üstünlüyümüzü rəqibə nümayiş etdirdik və matçda istədiyimiz nəticəni əldə etdik. "
Qeyd edək ki, "Beşiktaş" basketbol klubu növbəti oyununda öz doğma meydanında Lietuvos Ritasın komandasını qəbul edəcək.
Aynurə Pənahqızı
Xəbər 1386 dəfə oxundu.