"İnter"in 3 rəqibi bəlli oldu

Məlum olduğu kimi, yanvarın 5-dən Bakının “İnter” klubu Türkiyə toplanışına start verib. İdman.com.az-ın klubun saytına istinadən yaydığı xəbərə görə, toplanış çərçivəsində 5 yoxlama oyununun keçirilməsi planlaşdırılır. Komanda artıq bu görüşlərin tarixlərini də müəyyənləşdirib. Belə ki, “İnter” yanvarın 11,15,18,22 və 25-də meydana çıxacaq. Yanvarın 15-də "İnter" Almaniyanın “Holşteyn Kil” komandasıyla qarşılaşacaq. Bu klub 1900-cü ildə təsis edilib və Almaniyanın 3-cü liqasında mübarizə aparır. “İnter”in rəqibi 1912-ci ildə ölkə çempionu olmasıyla öyünə bilər. Yanvarın 18-də Kaxaber Tsxadadzenin komandası gücünü Qazaxıstanın “İrtış” (Pavlodar) komandasıyla keçiriləcək matçda sınayacaq. Bu klub ötən il Qazaxıstan çempionatını 6-cı yerdə başa vurub. “İnter”in sonuncu rəqibi Almaniyanın “Arminiya” klubu olacaq. Almaniyanın 2-ci Bundesliqasında çıxış edən bu klub mövsümün birinci hissəsini 16-cı yerdə başa vurub. Əlavə edək ki, “İnter”in yanvarın 11 və 22-də qarşılaşacağı rəqiblər yaxın günlərdə müəyyənləşəcək.

Xəbər 802 dəfə oxundu.