Həm medal, həm lisenziya!

Bakıda keçirilən boks üzrə dünya çempionatının ¼ final döyüşləri başa çatıb. 91 kq-dan yuxarı çəki dərəcəsində mübarizə aparan Azərbaycan boksçusu Məhəmmədrəsul Məcidov yarımfinala yüksəlməklə ən azı bürünc medalı özü üçün təmin edib. Bununla da Məhəmmədrəsul London olimpiadasına vəsiqə qazanan 5-ci boksçumuz olub. Qeyd edək ki, öz çəkisində ilk 2 döyüşdə Sərdor Abdullayev (Özbəkistan) və İsaia Mena Parraya (Kolumbiya) nokdaunla qalib gələn M.Məcidov ¼ finalda Erislandi Sabonu (Kuba) məğlub edib. O, kubalı rəqibini də vaxtından əvvəl məğlub edərək, mərhələ adlayıb. Məhəmmədrəsul rəqibini II raundda nokdauna salıb. Yarımfinalda idmançımızın rəqibi Qazaxıstan boksçusu İvan Diçko olacaq.

Xəbər 1653 dəfə oxundu.