"Sumqayıt" "İnter"in futbolçusunu transfer etdi

"Sumqayıt" klubu transfer çalışmalarına start verib. İdman.com.az-ın klubun rəsmi saytına istinadən verdiyi məlumata görə, komanda son olaraq "İnter"də çıxış etmiş Ramil Mansurovu heyətinə qatıb. 20 yaşlı futbolçu ilə 2 illik müqavilə imzalanıb. Mansurov "Sumqayıt"da 77 nömrəli futbol formasını geyinəcək. Qeyd edək ki, Ramil Mansurov "İnter"in əvəzedici heyətində 2 mövsüm ən sərrast futbolçu olub və ümumilikdə 50-dən artıq qol vurub.

Xəbər 802 dəfə oxundu.