“Baku Fires” boks klubu dekabrın 6-da Ümumdünya Boks Seriyasında (WSB) növbəti görüşünü keçirəcək. Komandamız Polşanın Pruşkuv şəhərində WSB liqasının 3-cü turu çərçivəsində yerli “Hussars Poland” klubu ilə qarşılaşacaq. Polşalılar hər iki görüşdə məğlub olaraq, B qrupunda sonuncu yeri tuturlar. Komandaların heyətləri artıq məlumdur:
“Hussars Poland”– “Baku Fires”
49 kq. Arkadiuş Lubomski – Maqomed İbiyev
56 kq. Marek Pietruçuk – Qairbek Qermaxanov
64 kq. Damian Kivior – Heybətulla Hacəliyev
75 kq. Pyotr Qredke – Jaba Xositaşvili
91 kq. Mateuş Malujda – Denis Latipov
Qeyd edək ki, cari mövsümdən heyətlər döyüşlərdən 10 gün öncə açıqlanır. Amma son anda heyətdə dəyişiklik edilməsinə icazə verilir.
Bu görüşdə “Baku Fires” klubunun heyətində iki boksçu debüt edəcək. Bunlar Maqomed İbiyev və Denis Latipovdur. Dəfələrlə beynəlxalq turnirlərin mükafatçısı olan İbiyev 2011-ci ildə Moskvada keçirilən tələbələr arasında Avropa çempionatının qalibi olub.
Son dünya çempionatının iştirakçısı Heybətulla Hacəliyev müəyyən fasilədən sonra yenidən “Baku Fires”in heyətində döyüşəcək.
Maraqlıdır ki, meydan sahiblərinin heyətində Mateuş Malujdanı çıxmaq şərti ilə digər bütün boksçular WSB liqasında ilk döyüşlərini keçirəcəklər. Malujda ötən mövsüm “Baku Fires”in üzvü Abdulqadir Abdullayevə uduzub.
Turnir cədvəli:
1. “Cuba Domadores” – 6 xal, (2 görüş)
2. “Astana Arlans” - 6, (2)
3. Rusiya – 4, (2)
4. “Baku Fires”– 3, (2)
5. “Mexico Guerreros” – 0, (2)
6. “Hussars Poland” – 0, (2)
Bu həftə “B” qrupunda daha iki qarşılaşma keçiriləcək. “Astana Arlans” Almatıda “Mexico Guerreros”u qəbul edəcək. Rusiya isə səfərdə “Cuba Domadores”un qonağı olacaq.
Xəbər 1836 dəfə oxundu.