Sonuncu lisenziya yarışı | |
İtaliyanın Kataniya şəhərində qılıncoynatma üzrə kişilər və qadınlar arasında London Olimpiadasına lisenziya verəcək dünya çempionatı keçiriləcək. Qılıncoynatma Federasiyasının I vitse-prezidenti Yaşar Məmmədovun idman.com.az saytına verdiyi məlumata görə, yarışlarda ölkəmizi sablya və şpaqa üzrə qadınlar təmsil edəcəklər. Sablya üzrə 4, şpaqa üzrə isə 1 idmançımız mükafatalayiq yerlər uğrunda mübarizə aparacaq. Yaşar Məmmədovun sözlərinə görə, qılıncoynadanlarımız dünya çempionatına hazırlıq məqsədilə oktyabrın 1-dən Kataniya şəhərində təlim-məşqlər keçəcəklər. Onlar hazırlıq prosesi keçmək üçün Kataniyaya məşqçi Fikrət Vəliyevin rəhbərliyi altında yollanacaqlar. Qeyd edək ki, bu yarış qılıncoynadanlarımızın bu il ştirak edəcəkləri son lisenziya xarakterli turnirdir. |
|
Xəbər 1920 dəfə oxundu. |
|
|