Dieqo Kosta: “İspaniya mənə sahib çıxdı”

"Atletiko"nun (Madrid) futbolçusu Dieqo Kosta vətəni Braziliyanı deyil, İspaniya millisini seçməsinin səbəblərini açıqlayıb. Qol.Az-ın klubun saytına istinadən verdiyi məlumata görə, 24 yaşlı hücumçu bu seçimin onun üçün çox çətin olduğunu deyib. Ancaq, o, futbolçu olaraq İspaniyanın ona çox şey verdiyini bildirib: "Futbolçu kimi mənə hər şeyi verən ölkə İspaniyadı. İspaniya mənə sahib çıxdı. Həyatda əldə etdiyim hər şeyi mənə bu ölkə verib. Buna görə də Visente del Boskenin komandasında oynamağı seçdim. Bura xüsusi sevgim var". D.Kostanın sözlərinə görə, İspaniyanı seçməsi onun Braziliyadan imtina etməsi mənasına gəlmir: "Ümid edirəm ki, insanlar məni anlayar. Sadəcə olaraq karyerama burada başladığım üçün İspaniyada qalmaq istədim. Amma futbolçu karyeramı bitirdikdən sonra Braziliyaya dönəcəm".

Xəbər 909 dəfə oxundu.