Dünya çempionatında rəqiblərimiz bəlli oldu

Bu gün Qazaxıstanın Almatı şəhərində usta boksçular arasında dünya çempionatı start götürəcək. İdman.com.az xəbər verir ki, dünən yarışın püşkatması keçirilib. Azərbaycan millisi üçün püşkün o qədər də ürəkaçan olduğunu söyləmək olmaz. Medala əsas ümidlilərimiz Teymur Məmmədov və Məhəmmədrəsul Məcidov güclü rəqiblərlə üzləşəcəklər. London oyunlarında 91 kq-da bürünc mükafatçımız ilk mərhələdən azad olsa da, 1/4 finalda boks ölkəsinin nümayəndəsi - kubalı Erislandi Savonla qarşılaşa bilər. Məhəmmədrəsul Məcidov ilk döyüşləri qələbə ilə başa vursa, 1/4 finalda London olimpiadasında məğlub etdiyi rusiyalı Məhəmməd Ömərovla görüşmək ehtimalı var. Qeyd edək ki, London-2012-nin gümüş mükafatçısı Roberto Kamarelle də (İtaliya) dünya çempionumuzla bir qrupdadı. 2011-ci ilin Avropa çempionu Salman Əlizadə (49 kq) yarışa oktyabrın 19-da qoşulacaq. Birinci mərhələdən azad olan boksçumuz 1/16 finalda Georgi Andonov (Bolqarıstan) - Vasiu Tayvo (Nigeriya) cütünün qalibi ilə qarşılaşacaq. 49 kq - Salman Əlizadə - Georgi Andonov (Bolqarıstan)/Vasiu Tayvo (Nigeriya) 52 kq - Elvin Məmişzadə - Rikardo Balndon (Venesuela)/Eduard Salas (Venesuela) 56 kq - Cavid Çələbiyev - Oraz Avzalşoev (Tacikistan) 60 kq - Elvin İsayev - Mohammed Amin (Banqladeş) 64 kq - Pərviz Bağırov - Yu-Jen Vanq (Taypey) 75 kq - Soltan Migitinov - Conatan Hanson (Yamayka) 81 kq - Rauf Rəhimov - Mateuş Trik (Polşa) 91 kq - Teymur Məmmədov - Efetobor Apoçi (Nigeriya)/Seyda Kəsər (Türkiyə) +91kq - Məhəmmədrəsul Məcidov - Lenroy Thompson (ABŞ)/Fakundo Giglion (Argentina)

Xəbər 1166 dəfə oxundu.