Runi Foqtsun təklifini rədd edib

Azərbaycan milli komandasının baş məşqçisi Berti Foqts hazırda İngiltərə yığmasının şərəfini qoruyan “Mançester Yunayted”in futbolçusu Ueyn Runi ilə bağlı maraqlı fakt açıqlayıb. Almaniyalı mütəxəssis Şotlandiya yığmasına rəhbərlik etdiyi vaxt Runiyə dəvət göndərdiyini bildirib. Foqts deyib: “Ueynin nənəsi əslən Şotlandiyadandır. Həmin vaxt bu futbolçu İngiltərə “Everton”unda Devid Moyesin rəhbərliyi altında çıxış edirdi. Qlazqodan Liverpula uçdum ki, onunla danışım. O vaxtlar 16 yaşında olan Runiyə Şotlandiya yığmasına gəlməyi təklif etdim. Lakin ingiltərəli olduğunu deyərək, təklifimi qəbul etmədi”. Qeyd edək ki, Berti Foqts Şotlandiya millisində 2002 – 2004-cü illərdə baş məşqçi olub. Lent.az

Xəbər 904 dəfə oxundu.