"Qarabağ" futbolçuları geri döndü

"Qarabağ" "Rəvan"la oyunun hazırlıqlarını davam etdirir. İdman.com.az klubun rəsmi saytına istinadən xəbər verir ki, milli oyunlarla əlaqədar "Qarabağ" məşqlərini sadəcə 10 futbolçuyla davam etməyə məcbur olmuşdu. Artıq Azərbaycan millisinin düşərgəsində olan Rəşad Sadıqov, Maksim Medvedev, Bədavi Hüseynov, Qara Qarayev, Vüqar Nadirov geri dönüblər. Amma Ansi Aqolli, Admir Teli hələ də Albaniya, Nikolas Gelaşvili isə Gürcüstan yığmasının düşərgəsindədir. Ulrix Kapolonqo isə Konqo DR-in heyətində qol vuraraq millisini məğlubiyyətdən qurtarıb geri dönür. Qeyd edək ki, "Rəvan" - "Qarabağ" oyunu sentyabrın 13-ü saat 19:00-da "Bayıl Arena"da keçiriləcək.

Xəbər 987 dəfə oxundu.