Rusiya - İsrail oyunundan öncə təşkil olunan mətbuat konfransında maraqlı anlar yaşandı | |
DÇ-2014-ün seçmə mərhələsi çərçivəsində keçiriləcək Rusiya - İsrail oyunundan öncə təşkil olunan mətbuat konfransında maraqlı anlar yaşanıb. Tədbirin gedişatında İsrail yığmasının qapıçısı Dudu Avat israilli jurnalistlə əməlli-başlı qırğına çıxıb. Belə ki, Avatla "Ediot Axronot" qəzetinin əməkdaşı Dansi Pir bir neçə dəqiqə ərzində bir-birilərinin ünvanına ittihamlar səsləndiriblər. Rusiyalı jurnalistlər əvvəlcə nə baş verdiyini anlamayıblar. Çünki tərəflər doğma dildə mübahisə ediblər. Sonradan isə məlum olub ki, jurnalist Avatı seçmə mərhələ ərzində 6 xal itkisində günahlandıraraq, soruşub ki, o nə vaxt "kəpənək tutmağ"ı tərgidəcək. Bu sualı eşitdikdən sonra özündən çıxan İsrail yığmasının qapıçısı isə bəyan edib ki, bu jurnalist daim onu izləyir və vacib oyunlardan öncə onu özündən çıxarır. |
|
Xəbər 763 dəfə oxundu. |
|
|