Daha bir ulduz futbolçu karyerasını başa vurdu

Alman futbolunun son illərdə yetişdirdiyi ən önəmli oyunçularından biri olan Tomas Hitzsperger futbolçu karyerasını başa vurub. 31 yaşlı yarımmüdafiəçinin futboldan tez getməsinə ard-arda zədələnməsi səbəb olub. Zədə səbəbindən bir müddətdir ki, forma geyinə bilməyən Hitzsperger bu qərarı vermək üçün bir neçə gün düşünüb: "Artıq əminəm ki, futbol oynamayacam. Başqa işlərlə məşğul olmağın vaxtıdır". Qeyd edək ki, "Ştuttqart"dakı çıxışı ilə diqqətləri özünə cəlb edən alman yarımmüdafiəçi karyerası ərzində "Aston Villa", "Latsio", "Vest Hem", "Volfsburq"da oynayıb. Onun son klubu "Everton" olub. Almaniya millisində 52 dəfə forma geyən Hitzsperger 6 qol vurub.

Xəbər 871 dəfə oxundu.