"Bakı" rekordunu təkrarladı

Topaz Premyer Liqasının 5-ci turu “Bakı” üçün əlamətdar olub. İdman.com.az-ın klubun saytına istinadən verdiyi məlumata görə, komanda ardıcıl qazandığı böyükhesablı qələbələrin sayını 3-ə çatdırıb. 3-cü turda “Rəvan”ı 5:0, 4-cü turda “Simurq”u 3:0 hesabı ilə məğlub edən Milinko Pantiçin futbolçuları bu dəfə “Neftçi”ni 3 cavabsız qolla məğlub etdi. “Bakı” 2008/09 mövsümündəki rekordunu təkrarlayıb. Paytaxt təmsilçisi həmin vaxt da ardıcıl 3 böyükhesablı qələbə əldə etmişdi. 2008-ci il noyabrın 22-də “Turan”ı 7:0, 29-da “Muğan”ı 4:0 məğlub edən “Bakı” 2009-cu il fevralın 15-də MOİK-i 3:0 hesabı ilə məğlub etmişdi.

Xəbər 864 dəfə oxundu.