Riçard Almeyda qayıtdı

Azərbaycan Premyer Liqasının II turunun “Sumqayıt”la oyunundan sonra qısa istirahətə buraxılan “Qarabağ”ın futbolçuları yenidən bir araya gəliblər. 2 günlük fasilədən sonra məşqlərə başlayan Ağdam təmsilçisi tam heyətlə hazırlıq keçmir. Belə ki, Rəşad Sadıqov, Qara Qarayev, Bədavi Hüseynov, Maksim Medvedev Azərbaycan, Nikolas Gelaşvili Gürcüstan, Ulrix Kapolonqo Konqo, Admir Teli və Ansi Aqolli isə Albaniya millisinə çağırılıb. Əvəzində zədəli futbolçular Vüqar Nadirov və Riçard Almeyda artıq komanda ilə məşqlərə başlayıb. Qeyd edək ki, “Qarabağ” növbəti oyununu avqustun 18-də “Xəzər Lənkəran”a qarşı keçirəcək.

Xəbər 855 dəfə oxundu.