Con Toşak: Bizdə nizam-intizam aşağı səviyyədədir
«Çətin oyun oldu. Mövsüm yeni başladığından, bilmirsən nə olacaq. Düşünürəm ki, qolu zamanındja vurduq».

İdman.com.az saytının məlumatına görə, bunu Avropa Liqasının 1-ci təsnifat mərhələsinin cavab matçından sonra mətbuat konfransında “Xəzər Lənkəran”ın baş məşqçisi Con Toşak söylədi.

Malta “Slima”sına 1:0 qalib gəldikləri oyunda uelsi mütəxssis dedi ki, komandasının daha çox qol vurmaq imkanı olub. Bu üzdən, hesabla barışmır:

«Mənfi tərəf Abdullayevin qırmızı vərəqə alması oldu. Belə nizam-intizamla uzağa gedə bilmərik. 10 oyundur ki, «Xəzər Lənkəran»a başçılığ edirəm. Bu matçlarda 6 qırmızı kart almışıq. Əsl azərbaycanlı oğlanları – dəliqanlılır (gülür)».

Toşak onu da əlavə etdi ki, hər şeyə rəğmən, ümumi nəticədən razıdır. Qarşıda görüləsi işlər çoxdur. Çalışacaq ki, komandası növbəti mərhələdə də azarkeşlərini sevindirsin.

KAMRAN

Xəbər 467 dəfə oxundu.