Yığmamız Bəhreyn komandası ilə qarşılaşacaq | |
akıda Beynəlxalq Hərbi İdman Şurasının hərbçilər arasında birinci Dünya Futbol Kuboku yarışlarının dörddəbir final mərhələsində Azərbaycan yığması “B” qrupunda ikinci yeri tutmuş Bəhreyn komandası ilə qarşılaşacaq. Oyun iyulun 10-da saat 21:00-da “Dalğa Arena”da keçiriləcəkdir. Hərbçilər arasında birinci Dünya Futbol Kuboku yarışlarının qrup mərhələsində son oyununu iyulun 8-də “Dalğa Arena”da keçirən Azərbaycan yığması Rəhman Hacıyev, Elvin Məmmədov və Nurlan Novruzovun vurduğu qollar sayəsində İraq komandası üzərində 3:0 hesabı ilə inamlı qələbə qazanmışdır. Komandamız turnirin ilk oyununda Mali yığmasına, ikinci qarşılaşmada isə Kanada komandasına, müvafiq olaraq 4:0 və 2:0 hesabı ilə qalib gəlmişdir. Beləliklə, qrupda keçirdiyi bütün oyunları qələbə ilə başa vuran və indiyədək qapısının toxunmazlığını qoruyub saxlayan Azərbaycan yığması dörddəbir final mərhələsinə qrup birincisi kimi vəsiqə qazanmışdır. |
|
Xəbər 928 dəfə oxundu. |
|
|