Umut Bulut "Qalatasaray"ı tərk etdi | |
Ötən mövsüm "Qalatasaray"ın formasını geyən Umut Bulut İstanbul təmsilçisini tərk edib. Bulut müqavilə ilə məxsus olduğu Fransanın "Tuluza" klubunun düşərgəsinə üz tutub. "Qalatasaray" Bulutu heyətində saxlamaq istəyir. "Cim-Bom" təcrübəli futbolçunun transfer hüququna birdəfəlik yiyələnmək fikrindədir. Lakin Fransa klubu ilə ortaq məxrəcə gəlmək hələ ki mümkün olmur. Belə ki, "Qalatasaray" Umut üçün qarşı tərəfə 1 milyon 250 min avroluq təklif irəli sürsə də, rədd cavabı alıb. "Tuluza" türk futbolçunu 2 milyondan aşağı qiymətə satmayacağını bəyan edib. Qeyd edək ki, Umut Bulutun "Tuluza" ilə sözləşməsi 1 ildən sonra bitəcək. Hazırda Fransa klubunun məşqlərində iştirak edən Umut tezliklə problemin həllini gözlədiyini və yenidən "Qalatasaray"ın formasını geymək istədiyini açıqlayıb. |
|
Xəbər 917 dəfə oxundu. |
|
|