Azərbaycan Respublikası Gənclər və İdman Nazirliyinin rəsmi orqanı
  Ana səhifə  |  Haqqımızda  Əlaqə
 
  

                        
logo-veb
30.10.2018 AGIN
2019-cu ilin idman təqvimi
13.02.2017 Bakı-2017
IV İslam Həmrəyliyi Oyunları. Bakı, 12-22 May 2017
01.02.2017 AGIN
2017-2020-ci illər üçün Azərbaycan Respublikasının vahid idman təsnifatı
 Xəbərlər
19/06 | 17:49 Alim Nəbiyev növbəti döyüşünü Parisdə keçirəcək
19/06 | 16:42 UEFA Avropa Liqası: “Speranta” – “Neftçi” görüşünün keçiriləcəyi stadion müəyyənləşib
19/06 | 16:09 “Səbail” futbol klubu müdafiəçi Maudo Jarjue ilə yollarını ayırıb
19/06 | 15:03 Qazaxıstanlı şahmatçı Asiya çempionatının qalibi olub
19/06 | 14:32 “Sumqayıt” klubu ənənəvi “Yay futbol düşərgəsi” layihəsinə start verib
19/06 | 13:03 “Bakı-2019” Avropa Gənclər Yay Olimpiya Festivalı diplomatik brifinqə ev sahibliyi edib
19/06 | 11:31 Milli Olimpiya Komitəsində “İdmançılar” İctimai Birliyinin təqdimatı keçirilib
19/06 | 11:00 Azərbaycan II Avropa Oyunlarında 82 idmançı ilə təmsil olunacaq SİYAHI
19/06 | 10:20 Qılıncoynadanlarımız qadın sablyaçıların şəxsi yarışında çıxışını başa vurub
19/06 | 10:03 Azərbaycanın iki güləşçisi Avropa çempionu olub
19/06 | 09:51 İki idmançımız Tunisdə dünya çempionu olub
18/06 | 17:09 II Avropa Oyunlarının “Sülh alovu” estafeti Minskdəki Dövlət Bayrağı Meydanına gətirilib
18/06 | 16:01 Qadın güləşçilərimizin Minskdə təlim-məşq toplanışı davam edir
18/06 | 15:59 Çimərlik futbolu üzrə Azərbaycan birinciliyi keçirilib
18/06 | 15:49 “Judo Club 2012”-nin yetirməsi gümüş medal qazanıb
18/06 | 15:36 Vəkillər arasında şahmat yarışı keçirilib
18/06 | 14:31 Çimərlik futbolu üzrə Azərbaycan birinciliyi keçirilib
18/06 | 13:38 Şahmat üzrə “Armaqeddon 2019” turnirinin qalibi müəyyənləşib
18/06 | 12:41 Şahmat üzrə “Gənclər kuboku” uğrunda komanda reytinq yarışı keçirilir
18/06 | 11:13 Stolüstü tennisçilərimiz Çində təlim-məşq toplanışında iştirak edirlər
18/06 | 10:06 İtaliyada keçirilən yeniyetmələr arasında Avropa çempionatında iki güləşçimiz finala vəsiqə qazanıb
18/06 | 09:02 İdmançılarımız Minskdə keçiriləcək II Avropa oyunlarına yola salınıb
17/06 | 16:17 Azərbaycanı “Minsk-2019”da təmsil edəcək boksçular müəyyənləşib
17/06 | 12:01 “Səbail”in Bolqarıstandakı rəqibləri müəyyənləşib
17/06 | 11:44 “Xəzər-Lənkəran” komandası Topaz Futbol Festivalının mini futbol üzrə regional turnirinin qalibi olub
17/06 | 10:52 Ukraynanın futbol üzrə U-20 yığması dünya çempionu olub
17/06 | 09:40 Uşu üzrə Bakı kuboku yarışlarına yekun vurulub
16/06 | 15:57 Uşu üzrə Bakı kuboku yarışları başlayıb
16/06 | 14:27 Braziliya ciu-citsusu üzrə Bakı çempionatına start verilib
16/06 | 12:39 Azərbaycan Badminton Federasiyasının hesabat-seçki konfransı keçirilib
16/06 | 11:02 Yeniyetmələr arasında Azərbaycan çempionatına yekun vurulub
16/06 | 10:05 Futvolley üzrə Azərbaycan kuboku yarışı keçiriləcək
15/06 | 17:02 Yeniyetmələr arasında atletika üzrə Azərbaycan çempionatına start verilib
15/06 | 16:17 Paralimpiya hərəkatı əlilliyi olan insanlar arasında təbliğ edilir
15/06 | 14:51 Doqquz yaşlı gimnast Mina Abbasova bu dəfə doğma Bakıda qızıl medal qazanıb
Digər xəbərlər 
 Topaz Premyer Liqası
N: Komandalar O Q H M T X
1 Qarabağ 28 20 6 2 65-21 66
2 Neftçi 28 17 7 4 52-26 58
3 Səbail 28 12 5 11 34-37 41
4 Qəbələ 28 9 9 10 31-33 36
5 Zirə 28 8 7 13 30-40 31
6 Sabah 28 8 5 15 24-42 29
7 Sumqayıt 28 7 6 15 20-41 27
8 Keşlə 28 6 5 17 29-45 23
XXIX Yay Olimpiya Oyunlarında ölkəmizi təmsil edəcək idmançıları yolasalma mərasimində Azərbaycan Respublikasının Prezidenti İlham Əliyevin nitqi
Tarix: 30.07.2008 | Saat: 16:28:00 | E-mail | Çapa göndər
- Əziz idmançılar,
- Əziz olimpiyaçılar,
- Əziz dostlar!
Bir neçə gündən sonra Pekin Yay Olimpiya oyunları başlayır və siz bir neçə gündən sonra Pekinə yola düşəcəksiniz. Mən əminəm ki, siz Olimpiya oyunlarında doğma vətənimizi, həmişə olduğu kimi, ləyaqətlə təmsil edəcəksiniz. Olimpiya oyunları idman tarixində çox mühüm yer tutan beynəlxalq miqyaslı bir hadisədir və hər bir ölkə çalışır ki, əsas idman tədbirində qələbə qazansın, uğurlar əldə etsin. Gənc müstəqil dövlət kimi, Azərbaycan demək olar ki, müstəqilliyimizin ilk illərindən Olimpiya oyunlarında iştirak etməyə çox böyük diqqət vermişdir və bu gün bu barədə deyildi. Azərbaycan artıq müstəqil ölkə kimi dördüncü dəfə Olimpiya oyunlarında iştirak edəcəkdir. İndiyədək hər dəfə iştirakımız qələbələrlə nəticələnmişdir. Bizim idmançılarımız bütün yarışlarda çox böyük ustalıq, məharət nümayiş etdirərək, doğma vətənimizin idman şöhrətini yüksəklərə qaldırmışlar və əminəm ki, milli komandamız Pekin Olimpiya oyunlarında da uğurla çıxış edəcəkdir.
İldən-ilə Azərbaycanda idman potensialı güclənir. Bizim böyük quruculuq işlərimiz nəticəsində idman sahəsində də böyük irəliləyiş var və bunu görmək, bilmək üçün, sadəcə olaraq, statistik göstəricilərə nəzər salmaq lazımdır. Hər il beynəlxalq yarışlarda yüzlərlə medallar qazanılır. Azərbaycan idmançıları müxtəlif yarışlarda - dünya, Avropa çempionatlarında yüksək nəticələr göstərirlər. Bu, onu göstərir ki, bizim idmançılarımızın uğurları təsadüfi xarakter daşımır. Bu, məqsədyönlü tədbirlərin nəticəsidir. O cümlədən medalların qazanılması da bütünlükdə ölkədə idmanın inkişafından asılıdır. Çünki bizim işimiz təkcə beynəlxalq yarışlarla məhdudlaşmır. İdman Azərbaycanın ictimai həyatının çox mühüm sahəsinə, mühüm hissəsinə çevrilibdir. Bizim idmançılarımız yüksək nəticələr göstərir, gənclərimiz idmanla məşğul olmaq üçün çalışırlar. Azərbaycanda idman infrastrukturu genişlənir, müasirləşdirilir. Bütövlükdə Azərbaycan cəmiyyətində idmançılara çox müsbət münasibət var, çox böyük hörmət var. İdmançılar da öz işləri ilə, öz qələbələri ilə, öz davranışları ilə daim ölkəmizin idman şöhrətini uca tutmalıdırlar.
Azərbaycan idman ölkəsi kimi tanınır. Bunu təkcə biz yox, eyni zamanda, ən mötəbər beynəlxalq idman qurumlarının rəhbərləri də qeyd edirlər. İdman ölkəsi kimi Azərbaycan artıq dünya idman aləmində özünəlayiq yerini tuta bilibdir. Bizim Olimpiya Hərəkatında fəal iştirakımız, Azərbaycanda beynəlxalq yarışların, o cümlədən Olimpiya lisenziya turnirlərinin keçirilməsi, idmançılarımızın beynəlxalq yarışlarda uğurla çıxış etməsi, güclü idman infrastrukturunun yaradılması, idmana dövlət qayğısının artması - bütün bu amillər Azərbaycanın idman ölkəsi kimi tanınmasına şərait yaratmışdır və bu, çox fərəhli bir haldır. Çünki idman ölkəsi adını qazanmaq asan məsələ deyildir. İdmanın inkişafı üçün Azərbaycanda çox böyük, hərtərəfli tədbirlər keçirilir və bunu sadalamaq üçün yəqin ki, çox vaxt lazım olacaqdır.
Amma siz idmançılar, idman mütəxəssisləri, məşqçilər bunu yaxşı bilirsiniz ki, Azərbaycanda idmana cavabdehlik daşıyan bütün qurumlar vahid konsepsiya əsasında fəaliyyət göstərirlər. Milli Olimpiya Komitəsi, Gənclər və İdman Nazirliyi, federasiyalar, idman cəmiyyətləri, klublar - bütün idman qurumları qarşıda duran məqsədlərə nail olmaq üçün birlikdə çalışırlar. Çox güclü əlaqələndirmə işləri aparılır və onu da deyə bilərəm ki, heç də hər bir ölkədə vəziyyət belə deyildir. Bir çox hallarda idman qurumları arasında nəinki əməkdaşlıq var, hətta qarşıdurma, ziddiyyətlər də var. Azərbaycan bu baxımdan nümunəvi bir ölkədir və bizim idmanda əldə etdiyimiz nəticələr, uğurlar, bax, bu siyasətin nəticəsidir. Həm idmana cavabdehlik daşıyan qurumlar, vəzifəli şəxslər, həm də idmançılar, idman mütəxəssisləri və məşqçilər bütün səylərini göstərirlər ki, Azərbaycanın idman şöhrəti daha da yüksək zirvələrə qalxsın və biz bunu görürük. Biz bunu ildən-ilə artan qələbələrin sayında görürük, Azərbaycanın beynəlxalq idman aləmindəki mövqelərindən görürük.
Azərbaycanın hərtərəfli inkişafı üçün idman potensialının güclənməsi çox böyük əhəmiyyət daşıyır. Çünki qeyd etdiyim kimi, idman ictimai həyatın mühüm hissəsidir. İdman həm insanları fiziki cəhətdən, həm də mənəvi cəhətdən sağlam edir, idman sağlam həyat tərzi deməkdir. İdmançılar öz qələbələri ilə gənc nəsil üçün də nümunə olmalıdırlar və olurlar. Mən çox böyük məmnunluq hissi ilə demək istəyirəm ki, Azərbaycanda uşaqlar, yeniyetmələr arasında idmanla məşğul olmaq üçün maraq getdikcə artır və bunun da səbəbləri var. Yəqin ki, bu səbəblərin əsası bizim idman sahəsində əldə etdiyimiz uğurlar, idmançılarımızın uğurlu çıxışlarıdır. Eyni zamanda, Azərbaycanda bütün bölgələrdə idmanla məşğul olmaq üçün yeni imkanların yaradılmasıdır.
Ona görə biz qürur hissi ilə deyə bilərik ki, Azərbaycanda idmanın hərtərəfli inkişafı təmin olunubdur. İdmançılarımız beynəlxalq yarışlarda yüksək nəticələr göstərir, Azərbaycanda dünya, Avropa çempionatları böyük uğurla və böyük təşkilatçılıq peşəkarlığı ilə keçirilir. Azərbaycanda kütləvi idmanın inkişafı müşahidə olunur. Bölgələrdə, rayonlarda müasir, bütün dünya standartlarına cavab verən idman qurğuları, olimpiya kompleksləri, üzgüçülük hovuzları tikilir. İndi tikilməkdə olan olimpiya kompleksləri yəqin ki, bu il və gələn il istifadəyə veriləcəkdir. Beləliklə, vaxtilə qarşımıza qoyduğumuz məqsəd - hər bir rayonda müasir olimpiya kompleksinin tikilməsi, - həyatda öz əksini tapacaqdır. 23 idman kompleksi tikilməkdədir, 13-ü artıq fəaliyyətdədir və bu proses davam edir. Nəzərə alsaq ki, federasiyalar və idman cəmiyyətləri də öz tərəfindən bu işlərlə məşğuldurlar, biz görərik ki, Azərbaycanda çox güclü idman infrastrukturu yaradılır. Azərbaycanda nəinki Bakıda, hətta bir çox başqa şəhər və rayonlarda istənilən beynəlxalq yarışın keçirilməsi mümkündür. Bu, idmanın inkişafı üçün çox mühüm bir vasitədir. Həm də bölgələrin inkişafı üçün böyük təkandır. Bildiyiniz kimi, son illər ərzində inşa edilən idman komplekslərinin yanında müasir mehmanxanalar, üzgüçülük hovuzları da tikilir. Yəni bu komplekslər təkcə peşəkar idmançılar üçün deyil, eyni zamanda, idmanla sadəcə həvəskar kimi məşğul olmaq istəyənlər üçün də əhəmiyyət daşıyır. Nəzərə alsaq ki, gələcəkdə yeni idman komplekslərinin tikintisi nəzərdə tutulur, görərik ki, bir neçə ildən sonra bizim bu sahədəki bütün məqsədlərimiz həyatda öz əksini tapacaqdır.
Əlbəttə ki, təlim-məşq toplanışlarının düzgün aparılması, idmançıların hazırlanması, məşqçi heyətinin güclənməsi - bütün bu görülən tədbirlərin bir məqsədi var, o da ki, idmançıların uğurlu çıxışlarıdır. Son sözü idmançılar deyir, son nəticəni, qələbəni idmançılar qazanırlar və biz çox istəyirik ki, bu qələbələrin sayı çox olsun. Çünki hər bir idmançının qələbəsi həm onun şəxsi qələbəsidir, eyni zamanda, ölkəmizin qələbəsidir. Hər dəfə dünya, Avropa çempionatlarında Azərbaycanın milli bayrağı qaldırılanda hər bir vətənpərvər insan qürur hissi keçirir. Xüsusilə Olimpiya oyunlarında qələbə qazanmaq, hesab edirəm ki, hər bir idmançının həyatında tarixi hadisədir və eyni zamanda, hər bir ölkənin tarixində mühüm hadisədir. Çünki Olimpiya oyunlarında, demək olar ki, bütün ölkələr iştirak edirlər. Ölkələrin iştirakından, idmançıların çıxışlarından ölkələrin idman gücü müəyyən olunur. Mən çox şadam ki, Azərbaycan idmançıları indiyədək olimpiya oyunlarında yüksək nəticələr göstərmişlər, bizim medallarımızın sayı artır. İstəyirik ki, Pekin Olimpiya oyunlarında da idmançılar gözəl nəticələr göstərsinlər.
Amma onu da bilirik ki, hər dəfə Olimpiya oyunlarında yarışlar daha da gərgin keçir, rəqabət artır və hər bir ölkə çalışır ki, yaxşı nəticə göstərsin və biz bunu nəzərə almalıyıq. Hesab edirəm, idmançılar, idman mütəxəssisləri, məşqçilər bunu gözəl başa düşürlər ki, Olimpiya oyunları idman tarixində ən mötəbər yarışlardır və bu nəticələr növbəti dörd il ərzində ölkənin idman gücünü göstərəcəkdir.
Mən hesab edirəm ki, bütün görülən tədbirlər nəticəsində biz Pekin Yay Olimpiya oyunlarında yaxşı nəticə göstərməliyik.
İdmanın inkişafı bundan sonra da davam etdiriləcək, idmana dövlət qayğısı artacaq, bütün lazımi tədbirlər görüləcəkdir. İdmançıların həm məişət problemləri həll olunur, həm də mukafatlandırma məsələsində irəliləyişlər var. Hər bir vətənpərvər vətəndaş Olimpiya oyunlarını izləyəcək və hər bir qələbəyə sevinəcəkdir. Olimpiya oyunları böyük bir idman hadisəsidir və deyə bilərəm ki, dünya miqyasında çox böyük ictimai hadisədir.
Gələcəkdə, əlbəttə ki, bizim idman imkanlarımız daha da genişlənəcəkdir. Bu gün Azərbaycanda yaradılan müasir idman infrastrukturu, tikilən obyektlər dünya miqyaslı obyektlərdir. Məsələn, burada qeyd olundu, Mingəçevir avarçəkmə bazasının bərpası, faktik olaraq, yenidən qurulması prosesi başlanmışdır. Bu, dünya miqyaslı bir layihədir. Eyni zamanda, qış idman növlərinin inkişafı və turizmin inkişafı üçün Qusar rayonu ərazisində yeni idman və turizm infrastrukturu yaradılır. Bu da dünya miqyaslı bir layihə olacaqdır. Həm bölgənin inkişafına, iş yerlərinin açılmasına xidmət göstərəcək, həm də o, beynəlxalq turizm mərkəzinə çevriləcəkdir.
Bütün bu layihələr böyük vəsait tələb edir və onu da bilməliyik ki, bu vəsaitin qaytarılması uzun illərdən sonra mümkün olacaqdır. Yəni bu investisiyalar kommersiya xarakteri daşımır. Bütövlükdə, Azərbaycanda son illər ərzində kapital qoyuluşu, investisiyaların həcmi, dövlət tərəfindən qoyulan investisiyalar sosial xarakter daşıyır. Tikilən elektrik stansiyaları, yollar, körpülər, məktəblər, xəstəxanalar, idman qurğuları, sosial infrastrukturun yeniləşməsi, - bütün bunlar sosialyönümlü tədbirlərdir. Bu, onu göstərir ki, Azərbaycan dövlətinin çox güclü sosial siyasəti vardır. Xarici şirkətlər, yerli şirkətlər, əlbəttə ki, ilk növbədə daha çox kommersiya xarakterli investisiyalara üstünlük verirlər və bu da təbiidir. Ancaq dövlət öz tərəfindən hər şeyi etməlidir ki, Azərbaycanda yaşayan bütün insanlar daha da yaxşı yaşasınlar, daha da yaxşı imkanlar olsun və Azərbaycanda yaradılan yeni infrastruktur obyektləri dünya standartlarına cavab versin. İdmanda biz bunu görürük və bir daha demək istəyirəm, mən çox şadam ki, beynəlxalq idman aləmi, olimpiya ailəsi Azərbaycanı idman ölkəsi kimi tanıyır. Bu, onu göstərir ki, bu vaxta qədər görülmüş bütün tədbirlər, atılmış addımlar düzgün istiqamətdə olmuşdur.
Azərbaycanda idmanın inkişafı dövlət əhəmiyyətli məsələdir. Dövlət bundan sonra da bu sahəyə qayğı göstərəcəkdir. Əlbəttə ki, idmançıların mükafatlanması işində də nə lazımdırsa edəcəyik. Bilirsiniz ki, keçən Olimpiya oyunlarında yüksək nəticə göstərən idmançılar üçün mükafat fondu var idi. Keçən Olimpiya oyunlarında qızıl medalı qazanan idmançıya 50 min dollar dövlət tərəfindən və 50 min dollar Milli Olimpiya Komitəsi tərəfindən mükafat verilmişdir. Mən hesab edirəm ki, Azərbaycanın artan imkanlarını nəzərə almaq şərtilə, biz bu mükafat fondunu daha da böyütməliyik.
Son dörd il ərzində, keçən Yay Olimpiya oyunlarından sonra Azərbaycanın iqtisadi potensialı böyük dərəcədə güclənmişdir və biz bunu statistik rəqəmlərdə və abadlaşan, yeniləşən şəhərlərin simasında görürük. Artıq Azərbaycanın çox güclü iqtisadi imkanları var. Bizim ildən-ilə artan dövlət büdcəmiz imkan verir ki, istənilən sosial məsələnin həlli üçün lazımi tədbirlər görək. Mən hesab edirəm ki, yeni reallığı, yəni Azərbaycanın iqtisadi cəhətdən güclü ölkəyə çevrilməsini nəzərə almaqla lazımi tədbirlər görə bilərik. Son 3 il ərzində Azərbaycanda olan iqtisadi inkişaf sürəti dünya miqyasında heç bir yerdə olmamışdır. Bunu biz də deyirik, beynəlxalq təşkilatlar da deyir. Son 3 il ərzində iqtisadi inkişaf sürəti baxımından dünya miqyasında bütün ölkələr arasında birinci yeri tutmaq asan məsələ deyildir. Biz buna nail olmuşuq və bu meyllər davam edir. Əminəm ki, 2008-ci ilin iqtisadi inkişaf göstəricilərinə görə Azərbaycan dünya miqyasında bu liderliyini saxlayacaqdır. Bütün bunlar düşünülmüş iqtisadi islahatlar nəticəsində mümkün olmuşdur. Bütün bunların təməli 1990-cı illərin ortalarında ulu öndər Heydər Əliyevin Azərbaycanda başladığı iqtisadi və siyasi islahatlarla qoyulmuşdur.
Azərbaycan son 4 il ərzində, axırıncı Olimpiya oyunlarından keçən dövr ərzində bütün sahələrdə öz imkanlarını böyük dərəcədə genişləndirmişdir. Siyasi mövqelərimiz möhkəmlənib, iqtisadi imkanlarımız güclənib, insanların rifah halı yaxşılaşır, güclü tikinti-abadlıq işləri aparılır. Bir sözlə, mən hesab edirəm ki, bütün bunları nəzərə almaq şərtilə biz Pekin Yay Olimpiya Oyunlarında qələbə qazanan idmançıları daha da böyük məbləğlə mükafatlandırmalıyıq. Mən hesab edirəm ki, müvafiq federasiyalar, idman cəmiyyətləri və müxtəlif şirkətlər, dövlət şirkətləri və özəl şirkətlər, sponsorlar da öz sözünü deyəcəklər. Bu, onların öz işidir. Milli Olimpiya Komitəsinin prezidenti və ölkə prezidenti kimi mən Milli Olimpiya Komitəsi və dövlət tərəfindən danışa bilərəm. Bəyan etmək istəyirəm ki, yay Olimpiya oyunlarında qızıl medal qazanmış idmançıya Milli Olimpiya Komitəsi tərəfindən 200 min manat mükafat veriləcəkdir, Azərbaycan dövləti isə birinci yerə çıxan, qızıl medal qazanan idmançıya 400 min manat mükafat verəcəkdir.
Ancaq mən bilirəm və siz də bilirsiniz ki, bu, qələbə qazanmaq üçün əsas amil deyildir. İdmançıları qələbəyə çağıran, qələbəyə aparan əsas amil vətən sevgisidir, vətənpərvərlik ruhudur və azərbaycançılıq fəlsəfəsidir. Sadəcə olaraq, mən hesab edirəm ki, idmançıların əməyinin lazımi səviyyədə qiymətləndirilməsi üçün mükafatın bu məbləği məqsədəuyğundur.
Əziz idmançılar, mən sizi, ilk növbədə, Olimpiya oyunlarında iştirak etmək üçün qazanılmış lisenziyaların əldə olunması münasibətilə bir daha təbrik edirəm. Bu, əldə edilən nəticədən asılı olmayaraq, hər bir idmançının həyatında tarixi bir hadisədir. Eyni zamanda, sizi qələbəyə çağırıram. Siz bilin ki, bütün vətənpərvər Azərbaycan vətəndaşları bu oyunları izləyəcəklər, sizin qələbənizi gözləyəcəklər və Azərbaycana qələbəylə qayıdanda sizi böyük təntənə ilə qəbul edəcəklər. Sizə uğurlar, qələbələr arzulayıram.

30 iyul 2008-ci il
Xəbər 1505 dəfə oxundu



 
Bölməyə aid digər xəbərlər
19.12.2017 Prezident İlham Əliyev 2017-ci ilin idman yekunlarına həsr olunan mərasimdə iştirak edib
25.10.2016 İlham Əliyev: "Bu, mühüm nailiyyətdir"
05.01.2016 Patrik Hikki: “Bakı-2015” Avropa Olimpiya Komitəsi üçün mühüm hadisədir
24.12.2015 Azərbaycan Prezidenti: Bizim idman uğurlarımız ildən-ilə artır
24.12.2015 Prezident İlham Əliyev 2015-ci ilin idman yekunlarına həsr olunan mərasimdə iştirak edib
25.09.2015 Azərbaycan Prezidenti İlham Əliyevin sədrliyi ilə IV İslam Həmrəylik Oyunlarının Təşkilat Komitəsinin birinci iclası olub
23.12.2014 Prezident İlham Əliyev idmançıları mükafatlandırdı
03.07.2012 Londonda keçiriləcək XXX Yay Olimpiya oyunlarında iştirak edəcək Azərbaycan nümayəndə heyətini yolasalma mərasimdə İlham Əliyevin nitqi
01.01.2012 Prezident İlham Əliyevin Dünya Azərbaycanlılarının Həmrəylik Günü və Yeni il münasibətilə Azərbaycan xalqına təbriki
05.05.2011 İmişli Olimpiya İdman Kompleksinin açılış mərasimində Prezident İlham Əliyevin çıxışı


  Arxiv
Tarixləri seç: 
 dən 
Fotogalereya
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
Müəllif yazıları
Qabil Mehdiyev
qabil-so@mail.ru
Mənim “İdman” sevgim
BATI YAR
batyyar@mail.ru
"Tokio-2020": Əsas medal ümidlərimizin olimpiya yolu
Leyla Qurbanova
leyla-6565@mail.ru
Bakı şəhər trasını seçməyin 5 səbəbi
Əli Fərəcov
alfaraj@mail.ru
Arzulara sədd yoxdur
Vüqar Məmmədov
vuqar-inqilaboqlu@mail.ru
Dünya kubokunun sirləri
Aynurə Aşırova
aynure.penah-2015@mail.ru
Velosipedlə sağlamlığa gedən yol
Aylıq bületenlərimiz
son sayımız əvvəlki sayımız
İdman qurğuları
Partnyorlar
Sayt Mozilla Firefox, Opera və Internet Explorer ilə tam dəstəklənir.
© 2011İDMAN. Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
Designed by V.Aliyev
Ünvan: Mətbuat prospekti, 529-cu məhəllə, 8-ci mərtəbə
İndex: AZ 1073;
Tel: (+99412) 434-57-32, (+99412) 510-53-10
Fax: (+99412) 510-53-10
E-mail: idman-sport@mail.ru