Park Plyus İdman Sağlamlıq Mərkəzində Fudokan Karate-do idman növü üzrə açıq turnir keçirilib.
Bir sıra beynəlxalq yarışların qalibi olmuş, dəfələrlə respublika çempionu olmuş Ülvi Əhmədov adlı idmançımız qan xərçəngindən əziyyət çəkir. Turnirin əsas məqsədi idman camiyəsində birlik göstərib, idmançımıza dəstək olmaqdır.
Belə ki, turnirdə iştirak edən bütün iştirakçılar könüllü şəkildə turnirin mükafat fonduna müvafiq ianə ediblər.
Fonda yığılan bütün ianələr, qan xərçəngindən əziyyət idmançımızın müalicəsi üçün şəxsi hesabına təqdim edilib.
Turnirdə 200-ə yaxın idmançı öz qüvvəsini sınayıb, məşqçi, hakim korpusu və valideynlər də aksiyaya qoşulub.
Nümayəndəlikdən bildirilib ki, eyni zamanda fudokan ailəsi olaraq, daim xeyriyyə layihələrində yaxından iştirak edirik və bundan sonra da bu cür xeyriyyə layihələrinin keçiriləməsi planlaşdırılır.
Qeyd edək ki, Dünya Fudokan Federasiyasının ölkəmizdəki rəsmi və səlahiyyətli nümayəndəsi 3 dəfə dünya çempionu, Azərbaycanın idman ustası, 5-ci dan qara kəmər sahibi Vüsal Abdullazadədir.
|
