Gürcüstan Futbol Federasiyasının prezidenti Zviad Siçinava müsahibə verib. İdman.com.az saytının məlumatına görə, Azərbaycanla birgə AVRO-2020-yə namizədliyini verən qonşu ölkənin ali futbol qurumunun başçısı islahatların tərəfdarı kimi çıxış edərək, turnirin 12-13 şəhərində keçirilməyinin mümkünlüyünü bildirib. Onun sözlərinə görə, buna UEFA-nın üzvü olan 53 federasiya tərəfindən dəstək olardı. Siçinava ilk olaraq UEFA prezidenti Mişel Platininin təklifindən danışıb.
- Platini tərəfindən təklif olunan variant Avropa ölkələrinin federasiyalarının 60 faizi dərhal qəbul etdi. 2020-ci ildə ilk Avropa çempionatının 60 illiyi qeyd olunacaq. Mən belə təklif irəli sürdüm ki, həmin yarış 1960-cı ildə yarışın qalibi olan SSRİ-nin müxtəlif şəhərlərində keçirilsin. Bu zaman sovet futbolçuları – Yuqoslaviyaya 2:1 hesabı ilə qalib gəldikləri finalda qol vuran Metreveli ilə Ponedelnik yaddan çıxmasın. Bir variant Moskva ilə Tiflisin 6 qrupdan birinin oyunlarını qəbul etməyidir. Platinin variantında isə bütün qitəni 3 coğrafi zonaya bölməkdir. Onlardan hər biri qrup oyunlarını 2 qrupda keçirəcək. Platini Kiyevdə onlar qarşısında bu ideya ilə çıxış edəndə, son sözlərinin mənası bu idi: bir dəfə sınamaq lazımdır. Ancaq artıq indi məlumdur ki, Avropa futbolunda bu inqilab keçməyə bilməz.
- 2020-ci il Avropa çempionatını keçirməyi rəsmi sifarişləri verənlər Türkiyə, Gürcüstanla Azərbaycan birgə, Şotlandiya, İrlandiya və Uelsdir...
- Avropada bir sıra ölkələr var ki, hərəsi 4 ildən bir final mərhələsinə özündə keçirə bilər. Digərlərinə isə böyük investisiya lazımdır. Bizim yanaşma belədir ki, 2 şəhər, məsələn Tiflislə Bakı bir qrupun oyunlarını qəbul etsin. Bu isə 2 şəhərə 6, hərəsinə 3 oyun deməkdir. Bu paytaxtlarının hərəsinə bir hava limanı, minimum 50 min tutuma malik bir stadion, yetərli sayda otel və məşq bazaları lazımdır. Bu, əksər ölkələr üçün realdır. Keçmiş SSRİ-ni götürün. Birinci olaraq Ukrayna Avropa çempionatını keçirdi, 2018-ci ildə isə Rusiya dünya çempionatını qəbul edəcək. Bəs yer qalanlar? Əlvida deməlidirlər? Elə ona görə Platini super variant təklif edib. Yarışın 12 müxtəlif şəhərdə keçirilməyi möhtəşəmdir. Özü də ölkələrin sayı daha az ola bilər.
- Ancaq bu zaman Avropa çempionatının meydan sahibi olan konkret ölkələr olmayacaq...
- Bəli, indi bütün yığmalar seçmə mərhələdə çıxış etməli, çempionatın ev sahibi isə UEFA olacaq. Açılış və final matçlarını İstanbula vermək olar. Türkiyə Avropa çempionatını çox layiqdir. Xatırladım ki, onlar 2016-cı il Avropa çempionatının ev sahibi zamanı Fransaya cəmi 1 səs uduzmuşdu.
- Platininin variantı Avropa futboluna nə verəcək?
- Bu zaman Avropa futbolunun birləşməyi gerçəkləşəcək. UEFA-da hamı bərabər olmalıdır. Mən bir dəfə həmkarlarıma dedim ki, Almaniya kiçik olduğum üçün məndən üstün ola bilməz. Futbol və siyasət bir yerə sığmır. Kimsə başqa cür düşünürsə, ya futboldan getməli, ya da yerini bu oyunu sevənlərə buraxmalıdır.
|
