Azərbaycan Respublikası Gənclər və İdman Nazirliyinin rəsmi orqanı
  Ana səhifə  |  Haqqımızda  Əlaqə
 
  

                        
logo-veb
30.10.2018 AGIN
2019-cu ilin idman təqvimi
13.02.2017 Bakı-2017
IV İslam Həmrəyliyi Oyunları. Bakı, 12-22 May 2017
01.02.2017 AGIN
2017-2020-ci illər üçün Azərbaycan Respublikasının vahid idman təsnifatı
 Xəbərlər
19/08 | 23:17 Futbol üzrə Azərbaycan Premyer Liqasında birinci tura yekun vurulub
19/08 | 22:24 Qadın voleybolçulardan ibarət Azərbaycan millisinin Avropa çempionatı üçün heyəti müəyyənləşib
19/08 | 21:13 Astaralı idmançılar İmişlidə keçirilən kikboksinq üzrə açıq rayon birinciliyində iki qızıl medal qazanıblar
19/08 | 20:25 Azərbaycanlı hakim Eldar Zülfüqarov dünya çempionatının oyunlarına təyinat alıb
19/08 | 19:03 Qadın güləşçilərimiz dünya çempionatına Türkiyədə hazırlaşırlar
19/08 | 18:02 Xorvatiya yığmasının Azərbaycan millisi ilə keçirəcəyi oyun üçün heyəti açıqlanıb
19/08 | 17:23 Masallıda mini-futbol üzrə rayon turnirinə start verilib
19/08 | 16:45 Şahmatçımız dünya birinciliyində gümüş medal qazanıb
19/08 | 15:53 “Avro 2020”: UEFA nümayəndələrinin Bakıya işgüzar səfəri başlayıb
19/08 | 15:00 Futzal üzrə Azərbaycan millisi Belarus yığması ilə qarşılaşacaq
19/08 | 14:52 Kişi boksçulardan ibarət Azərbaycan milli komandasının yeni baş məşqçisi müəyyənləşib
19/08 | 14:10 Astaralı boksçular İranda keçirilən beynəlxalq turnirdə 1 qızıl və 3 gümüş medal qazanıblar
19/08 | 14:09 Binqədidə “Gənclik Günü” layihəsi həyata keçirilib
19/08 | 14:00 Sinkfild kuboku: heç-heçələr seriyası davam edir
19/08 | 13:32 “Baku Оpen 2019” beynəlxalq şahmat festivalı keçiriləcək
19/08 | 13:17 Qadın voleybolçulardan ibarət Azərbaycan millisi Sloveniya yığmasına qalib gəlib
19/08 | 12:45 “Sabah” futbol klubu yeni mövsüm üçün formalarını təqdim edib
19/08 | 11:43 Futbol üzrə Azərbaycan Premyer Liqasının ikinci turunun təqvimi açıqlanıb
19/08 | 11:00 “Qarabağ”ın səfər qələbəsini qeydə almış isveçrəli baş hakim “Linfild”lə oyunu idarə edəcək
19/08 | 10:05 Azərbaycanın futbol üzrə millisinin üzvü Çexiya liqasındakı oyunda fərqlənib
19/08 | 09:53 Azərbaycan Premyer Liqası: “Səbail” “Zirə”ni məğlub edib
18/08 | 22:33 Ülvi Qənizadə dünya çempionatının gümüş medalını qazanıb
18/08 | 20:47 Güləşçimiz dünya çempionatının bürünc medalını qazanıb
18/08 | 18:05 Şəhriyar Məmmədyarov Hikaru Nakamura ilə mübarizə aparacaq
18/08 | 14:13 “Linfild”-“Qarabağ” oyununun hakimləri müəyyənləşib
18/08 | 10:46 Rafael Ağayev: Qarşıdakı yarışlarda yalnız qızıl medal uğrunda mübarizə aparacağam
17/08 | 23:43 Azərbaycan Premyer Liqası: “Qəbələ” komandası öz meydanında “Sumqayıt”a məğlub olub
17/08 | 21:01 Zaur Əliyev dünya çempionatında gümüş medala sahib olub
17/08 | 20:45 “Judo Club 2012”nin gənc üzvləri Azərbaycan birinciliyində uğurla çıxış ediblər
17/08 | 19:46 Güləşçimiz dünya çempionatında qızıl medal uğrunda mübarizə aparacaq
17/08 | 16:04 Güləşçilərimiz dünya çempionatının dörddəbir finalına vəsiqə qazanıblar
17/08 | 14:16 Şəhriyar Məmmədyarov Sinkfild kuboku turnirində mübarizə aparacaq
17/08 | 13:12 “Roma” klubu hücumçu Edin Dzeko ilə müqavilənin müddətini uzadıb
17/08 | 11:00 İtaliyanın "Roma" klubu türkiyəli futbolçunu heyətinə qatıb
17/08 | 10:17 Azərbaycan Premyer Liqasında “Qəbələ” ilk turdakı oyununu öz meydanında keçirəcək
Digər xəbərlər 
 Topaz Premyer Liqası
N: Komandalar O Q H M T X
1 Sumqayıt 1 1 0 0 2-0 3
2 Qarabağ 1 1 0 0 1-0 3
3 Səbail 1 1 0 0 1-0 3
4 Neftçi 0 0 0 0 0 0
5 Sabah 0 0 0 0 0 0
6 Zirə 1 0 0 1 0-1 0
7 Keşlə 1 0 0 1 0-1 0
8 Qəbələ 1 0 0 1 0-2 0
"Tokio-2020": Olimpiya rəmzi olan növlərin təsnifat yenilikləri
Tarix: 10.04.2019 | Saat: 10:57:00 | E-mail | Çapa göndər
BATI YAR | batyyar@mail.ru

Bakı gimnastların əsas seçim məkanları sırasındadır

Olimpizmin əsas rəmzi sayılan növlər az deyil. Atletika ilə yanaşı, müasir beşnövçülük olimpizmin əbədi ayrılmaz tərkib hissəsi sayılır. Bu mənada üçnövçülük əhatə dairəsi ilə xüsusi seçilir. Əlbəttə, qılıncoynadanların, güllə atıcılarının yarışları ənənə üzrə dünya idman hərəkatının dayaqlarındandır. Gimnastika isə həmişə bədən tərbiyəsinin ən aktual məsələsi kimi sağlamlığın keşiyində dayanan həyat tərzi hesab olunub. Hətta bu növ fiziki və ruhi inkişafın vəhdətini tələb edən pedaqogikanın təməlində daim yer alır. Sözügedən növlərsiz təsəvvür olunmayan daha bir olimpiya oyunlarına idmançıların yolu da fərqlidir.

Müasir beşnövçülük – 2 medal dəsti

2020-ci il avqustun 6-dan 8-dək keçiriləcək yarışların məkanı Muşasino Meşə İdman Sarayı və "Tokio stadionu" kimi də tanınan Acinomoto stadionu (yaponca – "Acinomoto Sutciamu") olacaq. Hər gender üzrə 36 idmançı medallar uğrunda mübarizə aparacaq. Yarışlar güllə atıcılığı, şpaqa qılıncoynatması, 200 metrə sərbəst üzgüçülük, konkur və 4-12 km məsafəni əhatə edən dərə-təpə qaçışı üzrə keçirilir.

Hər ölkə yarışlara ən çox iki idmançı çıxara bilər. Təsnifat kişi və qadınlar üçün eynidir. Ev sahibi birbaşa 1 vəsiqənin sahibidir. Beynəlxalq federasiya (UİPM) 2 lisenziyanı bütün seçmə mərhələləri başa çatdıqdan sonra özü təyin edəcək. 2019-cu il dünya kubokunun sahibi də lisenziya alacaq. 20 vəsiqənin taleyini qitə yarışlarından sonra bilinəcək. Afrika və Okeaniyanın hərəsi 1, Asiya və Amerika hərəyə 5, Avropa isə 8 idmançısını Tokioya göndərəcək. Amerikada da bölgü prinsipi var. Cənub və Şimalın hərəsinin iki lisenziya payı var, üstəlik, hər ölkə bu lisenziyalardan yalnız birini ala bilər. Daha bir vəsiqəni 2019-cu ildə (27-30 iyul) Peru paytaxtı Limada keçiriləcək Panamerika Oyunları verəcək.

2019-cu və 2020-ci illərin dünya çempionatlarının medalçıları da Yaponiyaya bilet sifariş edəcəklər. Qalan 6 nəfərin olimpiyaçı statusunu reytinq müəyyən edəcək.
Yaponiya bir iştirakçısının adını hələ elan etməyib. Bununla belə, ilk iştirakçı məlumdur. Bu il fevralın 23-24-də Misirin paytaxtı Qahirədə keçirilmiş qitə çempionatında Afrikanın ən yaxşısı ev sahibləri – kişilərdə Şərif Nasir, qadınlarda Haydi Mursi olublar.

Dünya kubokunun finalı iyunun 27-30-da Yaponiya paytaxtı Tokioda baş tutmalıdır. Dünya çempionatları ilə bağlı məsələlər də məlumdur. Builki yarış sentyabrın 2-dən 9-dək Macarıstanın paytaxtı Budapeştdə, gələnilki isə may ayında Çinin Siamen şəhərində keçiriləcək. Okeaniya və Asiyanın birgə çempionatı da Çində Kunminqdə bu il noyabrın 11-dən 21-dək keçiriləcək. Avropa çempionatı avqustun 6-dan 11-dək Böyük Britaniyanın Baf şəhərinə planlaşdırılıb. Yarışların yekunu olaraq, seçim xarakterli yekun reytinq cədvəli gələn il iyunun 1-də elan ediləcək. Üçlər komissiyasının qərarı da bundan sonra veriləcək.

Üçnövçülük – 3 medal dəsti

Beynəlxalq adı triatlon olan üçnövçülükdə olimpiadanın daha bir yeniliyi kimi üçüncü medal dəsti ilə qarışıq komanda yarışıdır. Kişilər iyulun 27-si, qadınlar 28-i, qarışıq komandalar isə avqustun 1-də mübarizə meydanlarına çıxacaqlar. Yarışlar Odayba sahil parkında keçiriləcək. İştirakçılar 1,5 km açıq hövzədə üzdükdən sonra 40 km-ə veloyürüşə çıxacaqlar. Ardınca 10 km-ə qaçacaqlar. Qarışıq komanda yarışında iki kişi və iki qadın iştirak edəcək. Estafet prinsipi ilə hər atlet 300 metrə üzəcək, 8 km velosiped sürəcək və nəhayət, 2 km qaçacaq.

Təsnifat hesabı 2018-ci il mayın 11-də başlayıb və 2020-ci il mayın 11-də başa çatacaq. Bir ölkədən ən çox 3 idmançı olmaqla, cəmi 110 triatlonçu (hər gender üzrə 55) olimpiyaçı olacaq. İlk olimpiyaçı statusunu qarışıq yarışların reytinqi müəyyən edəcək. Bu hesabat 2020-ci il martın 31-də elan olunacaq. Həm də 7 MOK-un 4 idmançısı (hər gender üzrə 2 olmaqla) olimpiyaçı statusuna sahib çıxacaq. Bundan savayı, daha 3 ölkə 2020-ci ildə keçiriləcək təsnifat yarışlarında da bir o qədər lisenziya ala bilər. Gələn il mayın 11-də isə fərdi qaydada hər gender üzrə 26 üçnövçü vəsiqə sahibi olacaq. Daha bir vəsiqə qitələr üzrə ən yaxşı reytinqli ölkəyə veriləcək. Yaponiya, bərabər bölünməklə, 4 vəsiqənin sahibidir. Bir o qədər vəsiqəni Üçlər komissiyası paylayacaq.

Qeyd edək ki, ölkəmizin təmsilçisi Rostislav Pevtsov hazırda 2926,26 balla reytinq 18-cisidir. Qadınlarda Kseniya Levkovska 1029,83 balla 122-ci, Darına Moskalenko 721,03 balla 180-cidirlər.

Olimpiya qarışıq komanda təsnifat turniri gələn il aprelin 1-dən mayın 11-dək olan müddət ərzində Kolumbiyanın Kartagena şəhərində keçirilməlidir.

Güllə atıcılığı – 15 medal dəsti

360 idmançının iştirak edəcəyi yarışlar iyulun 25-dən avqustun 2-dək Yaponiyanın Quru Qoşunları Müdafiə Qərargahının Asaka Güllə Atıcılığı Poliqonunda (yaponca – "Asaka tilyutonti") keçiriləcək. Qeyd edək ki, güllə atıcılığına beynəlxalq təsfniat üzrə stend atıcılığı da daxildir.

Əvvəlki Oyunlarla müqayisədə Tokioda iştirakçıların sayı 30 idmançı azaldılıb. Yarış proqramı da dəyişdirilib. Pnevmatik tapançadan və uzanılı vəziyyətdə tüfəngdən 50 metrə atəş proqramları olimpiya statusunu itirib. Dabl-trap yerini qarışıq yarışa verib.

Təsnifatla bağlı qərarlar 2018-ci ilin fevralında qəbul edilib. Seçim yarışları üçün başlanğıc tarixi 2018-ci ilin sentyabrın 1-i, sonuncu gün isə 2020-ci il mayın 31-idir. Ev sahibinə, hər fərdi yarışda olmaqla, 1 lisenziya veriləcək və bu, 12 yer edir. Qarışıq komanda yarışlarında ən yüksək reytinqli 2 ölkəyə 4 vəsiqə təqdim olunacaq. Ölkəsi olimpiadaya vəsiqə əldə edə bilməyən ən yüksək fərdi reytinqə malik idmançılar da olimpiada yolçusu olacaqlar. Daha 24 yerin sahibini isə Üçlər komissiyası müəyyən edəcək.

Əsas yarışlar dünya və qitə çempionatları, İSSF Dünya Kuboku-2019-dur. Fərdi reytinqlər istisna olmaqla, bütün lisenziyaları idmançılar öz ölkəsinə qazanacaq. MOK-lar ən aşağı təsnifat balı toplamış idmançılar arasından komandalarını formalaşdıra bilər. Ümumən, bu günə qədər 33 ölkə 108 vəsiqənin sahibi sayılır. Ölkələr üzrə kvotalara görə, onların sayı 102-yə salınacaq. Çin 18, ABŞ, Rusiya və Yaponiya 12 idmançı ilə bu siyahının liderləridir. Qarşıda 258 nəfərin seçimi var.
2019-cu il Dünya Kubokunun seriyalarının təqvimi belədir: 20–28 fevral - Dehli, Hindistan; 15–26 mart – Akapulko, Meksika; 5–15 aprel – Əl Əyn, BƏƏ, 23 aprel–1 may – Pekin, Çin; 7–18 may – Çanqvon, Cənubi Koreya, 24 may–1 iyun – Münxen, Almaniya, 11–22 avqust – Lahti, Finlandiya; 26 avqust–3 sentyabr - Rio de Janeyro, Braziliya. Bu mərhələlərin hər biri fərqli proqramlar üzrə yarışlara lisenziya verir. Məsələn, 3 vəziyyətdə tüfəngdən 50 metrə, pnevmatik tüfəngdən və tapançadan 10 metrə atəş üzrə 1-ci mərhələ yarışları hər bir proqram üzrə 2 vəsiqə verib.

Azərbaycan üçün də maraqlı olan daha bir yarış Avropa Oyunlarıdır (20-30 iyun, Minsk, Belarus). Avropa çempionatı isə sentyabrın 3-dən 17-dək İtaliyanın Lonato şəhərində keçiriləcək. 25 və 50 m məsafələrə atəş proqramı üzrə sentyabrın 12-dən 23-dək qitə çempionatı İtaliyanın Bolonya, 10 metrə atəş yarışları isə 2020-ci il fevralın 23-dən martın 3-dək Polşanın Vrotslav şəhərlərində təşkil olunacaq.
Avropanın 2 Olimpiya təsnifat turniri barədə qərarlar isə verilməyib. Lakin onlar 2020-ci ilin may ayında keçirilməlidir. Dünya reytinqi 2020-ci il mayın 31-də elan ediləcək. Kvotalar üzrə yerlərin paylanması 2020-ci il iyulun 2-də olacaq.

Digər qitələrə gəlincə, Panamerika Oyunları iyulun 26-dan avqustun 11-dək Peru paytaxtı Limada, Afrika çempionatı sentyabrın 20-dən 29-dək Əlcəzairin Tipasa, Okeaniya çempionatı noyabrın 1-dən 9-dək Avstraliyanın Sidney, Asiya çempionatı noyabrın 3-dən 11-dək Qətər paytaxtı Dohada keçiriləcək.

Qılıncoynatma – 12 medal dəsti

Olimpiya medalları iyulun 25-dən avqustun 2-dək Tokio civarında yerləşən Qurultaylar mərkəzi kimi də tanınan "Makuhari Messe"də sahiblərinə çatdırılacaq. Tarixdə ilk dəfə bütün silahlar üzrə həm komanda, həm də fərdi yarışlar təşkil ediləcək.

Olimpiyaçı statusunu 212 idmançı qazanacaq. Əsas lisenziyalar 2020-ci il aprel ayının 4-nə olan reytinq vəziyyətinə görə paylanılacaq. Bundan əlavə, vəsiqələr 4 zona üzrə təşkil ediləcək təsnifat yarışlarında da veriləcək. Komanda reytinqinə görə, 8 yığma lisenziya sahibi olacaq. Komandaların tərkibində 3 qılıncoynadan olmalıdır. Reytinq üzrə seçim belədir: 4 ən yaxşı komanda olimpiadada mübarizə aparacaq. İlk 16-lıqda yer almaq şərtilə, Afrika, Amerika, Avropa və Asiya/Okeaniya tandeminin komandası da Tokioya bilet sifariş edə bilər. Əgər 16-lıqda zonanın heç bir komandası yer almayıbsa, olimpiyaçılar zonadan asılı olmayaraq, nəticə əsasında seçiləcək.

Komanda reytinqi əsasında lisenziya sahibi olan qılıncoynadanlar həm də fərdi yarışlarda qüvvələrini sınayacaqlar. Daha 6 yer fərdi reytinq əsasında müəyyən olunacaq. Bu zaman komanda yolu ilə lisenziya alanların nəticəsi nəzərə alınmayacaq və hər ölkə bu yolla bir vəsiqə sahibi ola bilər. Avropa və Asiya/Okeaniyanın hər birindən 2, Amerika və Afrikanın isə 1 qılıncoynadanı Tokio yolçusuna çevriləcək. Olimpiya lisenziyası olmayan ölkələrin nümayəndələrinin iştirakı ilə hər qitə zona yarışlarından daha bir lisenziya ala bilər.

Əlavə olaraq, diqqət ediləcək məqamlar var. Əvvəla, hər zona üzrə reytinqdən 2 idmançı olimpiyaçı olacaq. Lakin bu idmançılar eyni ölkəni təmsil edə bilməzlər. Zona təsnifatı yarışlarından Avropa 4, Asiya/Okeaniya 3, Amerika 2, Afrika 1 idmançı ilə olimpiadada təmsil olunacaq. Bu yarışlarda yalnız olimpiya lisenziyası olmayanlar iştirak edəcək və hər ölkə yalnız bir lisenziya ala bilər.

Fərdi reytinqin əsas qaydaların bir məqamı da qeyd olunmalıdır. Komanda yarışları istisna olmaqla, 14 ən yaxşı qılıncoynadan da olimpiyaçı olacaq. Lakin hər ölkəyə ən çox iki yer verilir. Ev sahibinin 8 lisenziyası var.

Gimnastika – 18 medal dəsti

Yarışlar 3 kateqoriya üzrə keçiriləcək: bədii, idman və tamblinq. İyulun 25-dən avqustun 9-dək Tokio buxtasında yerləşən Olimpiya Gimnastika Mərkəzində, 114-ü kişi və 210-u qadın olmaqla, 324 idmançı medallar uğrunda yarışacaq. Bədii gimnastika sırf qadın yarışıdır. 2016-cı illə müqayisədə təsnifatda dəyişikliklər var. İdman gimnastikasının komanda yarışlarında heyətə 5 deyil, 4 idmançı daxil ola bilər. Bunun əvəzində, hər komanda heyətə bir mütəxəssis də əlavə edəcək. Bundan sonra idman gimnastikasında Dünya kuboku, bədii gimnastikada isə qitə yarışlarının nəticələri əsas götürüləcək. Bəzi yarışların nəticəsinə əsasən, artıq olimpiyaçı statusu qazananlar da var.

2018-ci ildə Dohada keçirilmiş idman gimnastikası üzrə dünya çempionatının nəticələrinə görə, ilk 3 yerin sahibi olan kişilərdə Çin, Rusiya və Yaponiya, qadınlarda ABŞ, Rusiya və Çin tam heyətlə Tokioya yollanacaqlar. Sofiyada keçirilmiş bədii gimnastika üzrə dünya çempionatında isə Rusiya, İtaliya və Bolqarıstan qrup hərəkətləri komandası ilə (5 nəfər) olimpiadada mübarizə aparacaqlar.

İdman gimnastikasında komanda yarışlarının iştirakçıları həm də fərdi mübarizəyə vəsiqə əldə ediblər.

2019-cu ildə idman gimnastları dünya çempionatına Almaniyanın Ştuttqart şəhərində (4-15 oktyabr), bədiilər isə Bakıda (16-22 sentyabr) çıxacaqlar.
İdman gimnastlarının qarşıdakı dünya çempionatında ilk 9 yerin sahibi olan komanda da olimpiya lisenziyasını qazanacaq. Fərdi yarışlarda ümumi hesabda ilk 12-likdə, digər 6 alətdə isə ilk 3-lükdə yer alanlar olimpiyaçı statusunu əldə edəcəklər.

İdman gimnastlarının dünya kuboku seriyalarının bir qismi artıq keçirilib: fevralda Melburnda (Avstraliya), martda Qrinsboroda (ABŞ), Bakıda (Azərbaycan), Ştuttqartda (Almaniya), Dohada (Qətər), Birmingemdə (Böyük Britaniya), aprelin 7-də Tokioda (Yaponiya) baş tutub. Daha bir yarış noyabrın 21-24-də Almaniyanın Kottbus şəhərində olacaq. Ümumiyyətlə, 2018-2020-ci illərin dünya kuboku seriyalarından hər alət üzrə bir idmançı Tokio şanslısı olacaq. 2020-ci il seriyalarının ümumi hesabda ilk 3-lükdə yer alan idmançısı da Yaponiyada medallar uğrunda yarışacaq.
İdman gimnastikasında qitə çempionatlarının bölgüsü belədir: Okeaniya 1, qalan qitələr hərəyə 2 vəsiqə. Üçlər komissiyası 1 vəsiqəni özü təyin edəcək.

İdman gimnastikasında cəmi 100 idmançı olimpiya medallarına iddialı olacaq.
Bədii gimnastların əsas seçmə yarışı Bakıdakı dünya çempionatı olacaq. Burada 16 ən yaxşı idmançı olimpiadaya vəsiqə əldə edəcək. Lakin yeganə şərt hər ölkəyə ən çox iki vəsiqədir. Qrup hərəkətləri komandaları isə 5 vəsiqə uğrunda yarışacaqlar. Qalan iştirakçılara 2020-ci ilin Dünya kuboku yarışlarında aydınlıq gətiriləcək. Yarışlar 2019-cu il ərzində keçirilir: Pesaro (5-7 aprel), Sofiya (12-14 aprel), Daşkənd (19-21 aprel) və Bakı (26-28 aprel). Yekun nəticədə, 3 ən yaxşı idmançı olimpiyaçı (bir ölkədən yalnız 1 idmançı olmaqla) olacaq. Sonuncu şansı isə 2020-ci ilin mayına qədər keçirilməli olan qitə çempionatları verəcək. Burada hərəsi bir vəsiqə olmaqla fərdi və qrup hərəkətləri komandaları qazanacaqlar.

Ev sahibləri birbaşa lisenziya sahibidirlər. Üçlər komissiyası da, yekunlardan asılı olaraq, öz vəsiqələrini paylacayaq.

Tamblinqdə və ya batutda 2019-cu ilin dünya çempionatında (Tokio, Yaponiya; noyabr) ilk 8-likdə olan idmançılar Tokioya gedəcəklər. Özü də bir ölkə ən çox iki vəsiqə ala bilər. 2020-ci ilin may ayına qədər keçirilməli olan qitə çempionatları isə 1 vəsiqəyə imkan verəcək. 2019-2020-ci illərin Dünya kuboku seriyasının (fevral 2019-aprel 2020-ci illər) ilk üçlüyü də Yaponiyada yer alacaq.

Təqdim edir: BATI YAR
Xəbər 202 dəfə oxundu



 
Müəllifin son yazıları

19.08.2019 25 ilin nailiyyətləri növbəti 25 ilin inam körpüsüdür
15.08.2019 Səhvlər komediyasının qurbanlığı
31.07.2019 Gələcəyin olimpiyaçılarının sorağında
16.07.2019 Gözləmədiyimizlə gözlədiyimiz arasında
16.07.2019 Kim nə qədər qazanacaq
02.07.2019 “Hər şey Bakıdan başlandı"
02.07.2019 “Minsk-2019" “Tokio-2020"yə açılan pəncərədir
01.07.2019 Oyun axtarışları davam etməlidir
18.06.2019 “Neftçi" sürət yığmaq istəyir, "Qəbələ"də gözlənilən süqut başlanır
18.06.2019 “Qarabağ" və “Neftçi" mərhələ keçməlidirlər


  Arxiv
Tarixləri seç: 
 dən 
Fotogalereya
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
  • Azərbacan idmançıları London olimpiadasında
Müəllif yazıları
Qabil Mehdiyev
qabil-so@mail.ru
Mənim “İdman” sevgim
BATI YAR
batyyar@mail.ru
25 ilin nailiyyətləri növbəti 25 ilin inam körpüsüdür
Leyla Qurbanova
leyla-6565@mail.ru
Bakı şəhər trasını seçməyin 5 səbəbi
Əli Fərəcov
alfaraj@mail.ru
Arzulara sədd yoxdur
Vüqar Məmmədov
vuqar-inqilaboqlu@mail.ru
Öndəki dünya kubokuna geridəki illərdən bir baxış
Aynurə Aşırova
aynure.penah-2015@mail.ru
Velosipedlə sağlamlığa gedən yol
Aylıq bületenlərimiz
son sayımız əvvəlki sayımız
İdman qurğuları
Partnyorlar
Sayt Mozilla Firefox, Opera və Internet Explorer ilə tam dəstəklənir.
© 2011İDMAN. Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
Designed by V.Aliyev
Ünvan: Mətbuat prospekti, 529-cu məhəllə, 8-ci mərtəbə
İndex: AZ 1073;
Tel: (+99412) 434-57-32, (+99412) 510-53-10
Fax: (+99412) 510-53-10
E-mail: idman-sport@mail.ru