Ana səhifə  |  Haqqımızda  Əlaqə
 
  

                        
logo-veb
 Xəbərlər
17/03 | 20:22 Azərbaycan karateçisi Türkiyədə Premyer Liqada medal qazanıb
17/03 | 19:24 Azərbaycanın iki gimnastı Niderlandda qızıl medal qazanıb
17/03 | 16:25 Azərbaycan Basketbol Liqası: "Sumqayıt" səfərdə qələbə qazanıb
17/03 | 16:06 Azərbaycan gimnastları “AGF Tropy” beynəlxalq turnirində qızıl medallar qazanıblar
17/03 | 11:37 Qızıl Avropa Liqasında iştirak edəcək Azərbaycan millilərinin oyunlarının vaxtı bəlli olub
17/03 | 09:29 Premyer Liqa: "Qarabağ" "Turan Tovuz"un, "Sabah" "Sumqayıt"ın qonağı olacaq
16/03 | 17:36 Azərbaycan Basketbol Liqası: “Sabah” səfərdə “Cəlilabad”ı məğlub edib
16/03 | 16:30 Azərbaycan idmançısı Dünya Seriyasında şəxsi rekordunu yeniləyib
15/03 | 22:54 Güləş üzrə Azərbaycan çempionatı başa çatıb
15/03 | 14:08 Bakıda idman gimnastikası üzrə “AGF Trophy” turnirinə start verilib
15/03 | 10:57 Gənclər və İdman Nazirliyinin Kollegiya iclası keçirilib
15/03 | 10:01 U-15 Azərbaycan çempionatında sərbəst güləş üzrə qaliblər müəyyənləşib
15/03 | 08:37 Avropa Liqası: “Qarabağ” 1/8 finalda mübarizəni dayandırıb
14/03 | 22:05 Azərbaycan güləşçiləri "Zəfər kuboku"unda 22 medal qazanıblar
14/03 | 21:11 Yüksək Liqa: “Murov Az Terminal” “Neftçi”ni məğlub edib
14/03 | 14:43 Azərbaycan voleybol millisi Antalyada təlim-məşq toplanışı keçəcək
14/03 | 13:13 Azərbaycan paraüzgüçüləri Dünya Seriyasında mübarizəyə qoşulublar
14/03 | 12:26 Voleybol üzrə Azərbaycan millisinin təsnifat mərhələsindəki oyunlarının təqvimi bəlli olub
14/03 | 11:29 Futzal üzrə Yüksək Liqada IV dövrəyə start veriləcək
14/03 | 09:52 Nazir idman federasiyalarının nümayəndələri ilə görüşüb
14/03 | 09:49 Azərbaycan gimnastı Dünya Kubokunda finala yüksəlib
13/03 | 21:55 "Neftçi" Azərbaycan çempionatında 11-ci qələbəsini qazanıb
13/03 | 20:08 Qadın basketbolçular arasında Azərbaycan çempionatı keçiriləcək
13/03 | 18:00 Azərbaycan güləşçiləri Qazaxıstanda keçirilən turnirdə 10 medal qazanıblar
13/03 | 13:02 Tamblinq üzrə Azərbaycan çempionatı və Bakı birinciliyinin açılış mərasimi keçirilib
13/03 | 10:18 Güləş üzrə Azərbaycan çempionatının ilk günündə 200-ə yaxın idmançı mübarizə aparıb
13/03 | 09:11 Azərbaycan Reqbi Federasiyasının rəhbər orqanlarına seçkilər keçirilib
12/03 | 16:26 2026-cı ildə voleybol üzrə Avropa çempionatı Azərbaycanda keçiriləcək
12/03 | 16:21 Stend atıcılığı üzrə Bakı Kuboku keçiriləcək
12/03 | 14:28 Azərbaycan stolüstü tennisçiləri beynəlxalq yarışda iştirak edəcəklər
12/03 | 12:50 Azərbaycanın boks millisi Paris-2024-ə ən çox lisenziya qazanan ölkələrin siyahısında yer alıb
16/02 | 18:45 Avropa çempionatı: Qadın güləşçimiz bürünc medal qazanıb
16/02 | 15:06 “Böyük Dəbilqə”: Azərbaycan cüdoçuları ilk gündə 2 medal qazanıblar
16/02 | 14:05 “Böyük dəbilqə”: Azərbaycan cüdoçusu bürünc medal qazanıb
16/02 | 12:52 Bakıda cüdo üzrə “Böyük dəbilqə” turnirinin açılışı olub
Digər xəbərlər 
 Millətlər Liqası. C divizionu. “C” qrupu
N: Komandalar O Q H M T/F X
1 Belçika 6 5 1 0 16-3 16
2 Avstriya 7 5 1 1 15-7 16
3 İsveçrə 5 2 0 3 11-8 6
4 Azərbaycan 6 1 1 4 4-12 4
5 Estoniya 6 0 1 5 2-18 1
 Premyer Liqa. Turnir cədvəli
N: Komandalar O Q H M T/F X
1 Qarabağ 25 19 3 3 65-21 60
2 Sumqayıt 26 10 9 7 25-30 39
3 Sabah 26 10 7 9 37-31 37
4 Neftçi 26 10 7 9 31-29 37
5 Səbail 26 10 7 9 39-38 37
6 Zirə 25 9 9 7 18-14 36
7 Turan 25 8 8 9 38-35 32
8 Araz 25 8 7 10 26-33 31
9 Kəpəz 26 7 6 13 28-45 27
10 Qəbələ 26 4 3 19 19-50 15
İlk üç tur kəm-kəsirləri əyani göstərdi
Tarix: 29.08.2018 | Saat: 08:57:00 | E-mail | Çapa göndər
BATI YAR | batyyar@mail.ru

Səfərbərliyin ilk fasiləsi başlandı

Milli klub futbolu mövsümü gözlənildiyi kimi də başlandı. Hələ ki, boyundan yuxarı tullana biləcək kollektiv görünmür.

Mövsümün ilk sürprizi "Sabah"ın liderlər qrupuna sıçraması hesab edilə bilər. Komandanın doğma divarlar arasındakı oyununda üzləşdiyi acı məğlubiyyət debütant qeyri-sabitliyinin təzahürü də sayıla bilər. Komanda bu iddiasının nə qədər əsaslı olduğunu sübut etməlidir. İlkin qənaətə görə, mövsümlərarası dövrün transferləri və ilk turlardakı oyun forması kollektivin ciddi rəqiblərdən olacağını göstərir. "Səbail", "Zirə" və "Keşlə"nin ilk 3 turdan sonra düşdüyü vəziyyət isə, ilk baxışda, qəribə təsir bağışlaya bilər. Lakin onların hazırlıq dövrü və ötən illə müqayisəsi vəziyyətin heç də qeyri-adi olmadığını göstərir. Hər üç kollektivdə əsaslı yeniliklər var və dəyişikliklər kollektivlərin meydan formasında əksini tapır. Komandaların çiyliyi xətlərarası əlaqələrdə özünü büruzə verir. Mövsümün başlanğıcına baxsaq, bu natamamlıq bütün klublarda var. Bu səbəbdən hələ yaxın bir neçə tur ərzində klubların matçdan-matça ləngər vurmasının şahidi ola bilərik. Bununla belə sentyabrın 15-nə qədər yaranmış fasilə qeyd edilən bütün klublar üçün özünü toparlamağa ilk fürsət olacaq. 3 rəsmi oyundan sonra hər klub boşluqlarını əyani müşahidə etmək imkanı qazanıb və bunun üzərində iş aparılmalıdır. Yalnız futbolçuların potensiallarının buna nə qədər imkan verəcəyi şübhə doğuran məqamdır. Axı, bineyi-qədimdən klublarımız oyunçu siyasətini özlərinə lazım olanların transfer edilməsi ilə deyil, təklif edilənlər arasından götürərək apara bilirlər. Yerli futbolçu qıtlığı isə ələ düşən ilk fürsəti dəyərləndirmək üçün şansdır. Belə olanda, heç bir məşqçi strateji hədəflər bir kənara, heç istədiyi, düşündüyü taktiki gedişlərə əl ata bilmir və əlində olan futbolçuların imkanlarının əsiri olur. Mövsüm boyu həmin futbolçuları isə az-çox toparlamaq ilk turlarda müşahidə etdiyimiz vəziyyətə gətirib çıxarır.

Bu günə qədər olan vəziyyət yalnız bir həqiqəti üzə çıxarır. Mövsümün iki favoriti olacaq. Qalanlarının hər biri sürprizə can ataraq, avrokubok zonasında yer almağa çalışacaq. Bu mövsümün autsayderi barədə də indidən söz demək çətindir. Bunu da yalnız ilk dövrədən sonra təxmin etmək olacaq.

Ötən turların ən maraqlı oyunları "Neftçi"nin iştirakı ilə keçdi. Komanda az-çox prinsipiallığını qoruyan "Qəbələ", daha sonra isə mövsümün şəksiz favoriti "Qarabağ"la üz-üzə gəldi. Birinci halda, əldə olunan qələbə formalaşmış səviyyə fərqinin deyil, daha çox "Neftçi"nin yaxşı komplektləşməsinin nəticəsi idi. Mövsümü maraqlı edə biləcək əzəli "Qarabağ" - "Neftçi" dueli isə mövsümün şah oyunları seriyasını açdı. Çox maraqlıdır ki, "Qarabağ"ı Avropa arenasında axsadan cəhətlər bu oyunda da özünü büruzə verdi. Əlbəttə, bəxt amilini əsas gətirmək olar. Lakin dərindən baxsaq, klubda hələ rəqib qapısı ağzındakı quruculuq hərc-mərcliyi və qeyri-müəyyənliyi davam edir. Nəhayət ki, Emeqaranın qol siftəsini etməsi Ağdam klubunun özünü toparlaması istiqamətində mühüm qazancı sayıla bilər. Lakin hücumun təşkilində pleymeyker asılılığı məhz çoxşaxəli oyunun olmamasından irəli gəlir. Halbuki orta və arxa xəttin istənilən oyunçusu quruculuqda fəal iştirak etmək potensialına malikdir. Bunu tənzimləmək üçün məşqçilərin kifayət qədər materialı var. Hətta üslubu belə tez-tez çevirmək üçün əldə olan imkanların heç birindən istifadə olunmursa, qəribə suallar yaranır. Bu sualların ən başlıcası "bu komanda məşqlərdə nə ilə məşğuldur" kimi absurd həddə də çatmaq üzrədir.

"Neftçi" isə italiyalı sükançının təxəyyülünün əsirinə çevrilməkdədir. Bundan əvvəl qəribə şəkildə basılan əyləc komandanı Avropada büdrətdi. "Qarabağ"la hesabda irəli çıxan komandanın heç əks-hücumu da normal qura bilməməsi şübhələr yaratmağa başlayıb. Üstünlüyü "Qarabağ" kimi rəqibə verib arxa plandan oynamaq cəhdlərinin cəzası olur. Sadəcə, Ağdam klubunun ön xətdə dişsizliyi "Neftçi"ni özünün layiq olacağı məğlubiyyətdən qurtardı. "Ağ-qaralar" oyunun ipini rəqibə birdəfəlik verərək, dağılmış tifaq kimi bütün xətlərdə pərən-pərən düşməklə boşluqlara yol verir. Sanki hər futbolçu öz zonasından kənara çıxa bilməz və sığortalı oynamamalıdır. Petrov iki dəfə topun boş qapıya yolunu kəsməsəydi, ev sahiblərinin futbolçularının ələ düşən fürsəti fövtə verməsəydilər, "Neftçi" 1 xalın sevincini yaşaya bilməzdi. Amma oyunun əvvəli tam fərqli mənzərə yaratmışdı: "Neftçi" qol vurandan sonra özünü itirmiş və psixoloji təzyiq altında olan rəqibi “boğa” bilərdi. Əgər söhbət hansısa italyansayağı müdafiədən gedirsə, apenninli sükançı bunun "Neftçi"yə heç bir aidiyyatının olmayacağını indidən bilməlidir. Çünki İtaliya müdafiəsi taktiki düşüncə tərzinin və nizam-intizamın, əlaqəli oyunun optimal formasında baş verə bilər. Əldə olan futbolçuların buna qadir olmaması bir kənara, məşqçi bunun üçün orta və ön xətti tarazlamalıdır, cinahlar üzərində işləmələdir. İndiki "Neftçi"də faydalı iş əmsalı futbolçuların meydanda hərəkətlərinə tərs mütənasibdir. Bununla belə, "ağ-qaralar" üçün bu qaydalar yalnız "Qarabağ" kimi rəqiblə oyun üçündür. Yəni çempionluq döyüşündə indidən bir addım öndə olmağa çalışmasa, sonradan "Neftçi"yə çox çətin olacaq. Ölkə futbolunun ümidi də məhz "Neftçi"nin dirçələrək mövsümün bir klubun hegemonluğundan, heç olmasa, qış fasiləsinə qədər qurtarmasıdır.

Klubların düzənindən hələ çox söz açmaq imkanımız olacaq. Hələliksə, müşahidə etdiyimiz hazırlıq səviyyəsinin yaxın 15 gündən sonra hansı vəziyyətə gətiriləcəyidir. İlk ciddi qiyməti də ondan sonra vermək mümkün olacaq.

BATI YAR


Xəbər 1715 dəfə oxundu



 
Müəllifin son yazıları

14.09.2021 “Qarabağ" iki-üç cəbhədə mübarizəyə hazır kimi görünür
14.09.2021 Uduzmaq ayıb deyil, amma...
07.09.2021 Hətta nağıllar reallıqla bitir: üç alma yerə düşür
07.09.2021 Avrokuboklar: Yalnız “Qarabağ"la
07.09.2021 “Araz" tarixinin 16-cı əsas yarışında
24.08.2021 “Paris-2024": əsas yarış məqamlarına aydınlıq gətirilir
24.08.2021 Avrokuboklar: Sapı iynənin gözündən keçirmək olsa
24.08.2021 Daha bir qarışıq-natamam mövsümə doğru
23.08.2021 Ya qalib, ya da ən yaxşı ikinci olmaq lazımdır
10.08.2021 Əlvida, “Tokio-2020"!


  Arxiv
Fotogalereya
  • Rafiq Hüseynovun qələbə sevinci
  • İrina Zaretska Karate 1 Premyer Liqa seriyası yarışında qızıl medal qazanıb
  • Azərbaycan cüdoçusu qızıl medal qazanıb
  • İrina Kindzerska Tokio Olimpiadasının yarımfinal mərhələsinə yüksəlib
  • Mariya Stadnik ardıcıl dördüncü Olimpiadada mükafatçılar sırasında yer alıb
  • Zöhrə Ağamirova Tokio olimpiadasında halqa ilə çıxışını təqdim edib
  • Azərbaycanın qrup hərəkətləri komandası toplarla çıxışı Tokio olimpiadasında
  • Azərbaycan idmançıları Tokio olimpiadasında
  • Azərbaycan idmançıları Tokio olimpiadasında
  • Rafiq Hüseynovun Tokio Olimpiadasında qələbə sevinci
"İdman" qəzeti
"İdman" qəzeti, №21, 12 oktyabr 2021
"İdman" qəzeti, №20, 28 sentyabr 2021
"İdman" qəzeti, №19, 14 sentyabr 2021
Aylıq bületenlərimiz
son sayımız əvvəlki sayımız
İdman qurğuları
Partnyorlar
Sayt Mozilla Firefox, Opera və Internet Explorer ilə tam dəstəklənir.
© 2011İDMAN. Müəllif hüquqları qorunur. Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
Designed by V.Aliyev
Ünvan: Bakı şəhəri, Nərimanov rayonu, Sülh küçəsi, 2A
İndex: AZ 1072
E-mail: idman-sport@mail.ru